掃呢頁CODE去手機

2017年3月20日 星期一

自嘲股票「明燈」 苑瓊丹撐鄧兆尊復出 __,鄧兆尊,兆尊,苑瓊丹,

苑瓊丹話好期待合作呀!藝人苑瓊丹(苑仔)到觀塘拍攝維特健靈健康食品廣告,提到曾合作無綫劇集《皆大歡喜》的鄧兆尊打算復出,她說:「我有留意(祥嫂)段視頻 ...


苑瓊丹話好期待合作呀!

藝人苑瓊丹(苑仔)到觀塘拍攝維特健靈健康食品廣告,提到曾合作無綫劇集《皆大歡喜》的鄧兆尊打算復出,她說:「我有留意(祥嫂)段視頻,『你哋唔好咁話佢!』,咁每個演員都係寶嚟嘅,如果佢真係復出,咁我哋咪見到個年青版嘅新馬師曾囉,我撐佢嘅,亦都期待同每一個演員合作。(點睇兆尊話祥嫂至係能放能收?)佢謙啫,佢都得嘅!」

化4粒鐘特技妝

她又指並未因為《皆》劇重播而令工作量增加,她說:「我一直留喺內地比較多,而且工作都幾密,再多我都接唔到,最近就接咗套戲要留喺香港五個月,實質上我嘅戲只係一個月,但要hold我5個月嘅期,期間唔接得嘢做,要standby,電話嚟就要開工!(酬勞好到可彌補損失?)幾好啦,係要每次開工攤屍咁化特技妝,化4粒鐘,黐膠水搞到塊面起粒粒囉!但我都唔敢怨,郭富城同羅仲謙咪仲辛苦!唯有休息嘅時候,做番啲護膚,去放血,搞番掂啲粒粒!」

一買就跌

苑仔被問到賺咁多錢點使?她說:「我最多就係用喺養生同保健度,我覺得搞好裏面係最重要!(冇買股票或者磚頭?)我唔買股票,一買就輸,1997年已經係咁,買邊隻,跌邊隻,最近有朋友畀個冧巴我,但我睇完八字,起咗支卦,就決定唔買,留番嚟買磚頭!(你同丁蟹邊個勁啲?)我係買嗰陣就跌,但我有電視劇,有嘢出街嘅時候,個市係唔會跌,所以大家可以放心繼續搵我做嘢!」

她續稱:「我同呢個品牌第二次合作,佢哋都有自動加咗少少酬勞畀我,但我最開心係可以將香港產品推廣出去,等大家知道,香港本土都有呢啲產品!」


來源 source: http://hk.on.cc
鍾意就快D Share啦!