掃呢頁CODE去手機

2017年3月8日 星期三

想同祥嫂修補關係 兆尊:單手拍唔響! __,兆尊,鄧兆尊,

鄧兆尊話單手拍唔響!鄧兆尊母親祥嫂日前在魯芬喪禮上大談兆尊,直言不想評論長輩的兆尊於訪問中表示自己原本都會於當日露面:「當日原本我都會去喪禮,點知要返 ...


鄧兆尊話單手拍唔響!

鄧兆尊母親祥嫂日前在魯芬喪禮上大談兆尊,直言不想評論長輩的兆尊於訪問中表示自己原本都會於當日露面:「當日原本我都會去喪禮,點知要返大陸所以冇去。我熟祥嫂脾性,佢唔係因為我而唔開心,而係鍾意見吓你哋(記者)。我覺得其實佢應該入行,能收能放。」

談到近年與祥嫂關係麻麻,兆尊指起因之一是曾跟弟妹被祥嫂拒諸門外:「我哋去到佢屋企門口,佢話唔舒服要休息,唔肯開門。其實佢病,我哋係咪更加應該要睇吓佢呢?」他又指當日原本要處理有關八千萬遺產稅:「之前遺產稅嘅官司係需要一張收據去證明,當日我哋搵祥嫂就係想要番張收據畀稅局睇,但喺佢嘅角度覺得點解要畀張收據人哋睇!結果我哋額外用多咗錢,係嬲架,好多嘢無法理解。」問到有否考慮解開大家心結?他指:「我哋幾兄妹都有自己嘅性格,如果傾唔埋,咪各自追求自己想過生活,依家都OK。(有冇做和事老?)有,但單手拍唔響!好多嘢勉強冇得做,點解大家唔諗吓自己有乜嘢令對方唔開心同厭惡呢?」

提到鄧小艾多年前與「釣魚郎」李耀明離婚,現獨力撫養兒子,問兆尊知否小艾有否打算再婚?他稱:「佢應該唔敢喇啩?(你介紹囉。)搵老公最好面精心懵,加上佢唔細,更加之難搵。」


來源 source: http://hk.on.cc
鍾意就快D Share啦!