2017年3月12日 星期日

曹星如:【全程直擊】戲肉嚟喇!曹星如準備入場! __,曹星如,

去FB睇即時文字直擊(嗱,文字版嚟㗎,唔好話我哋冇講):http://bit.ly/2nagN7I 香港拳擊「神奇小子」曹星如(Rex)今晚重拳出擊, ...


去FB睇即時文字直擊(嗱,文字版嚟㗎,唔好話我哋冇講):http://bit.ly/2nagN7I 

香港拳擊「神奇小子」曹星如(Rex)今晚重拳出擊,假灣仔會議展覽中心舉行的「王者對決二」,迎戰日本拳手向井寛史,挑戰21連勝。二人過磅時「怒睥」合照充滿火藥味,兩人將進行12回合對決,大家齊齊為Rex打氣;今晚「王者對決二」共有9場賽事,曹星如將會壓軸亮相。東網及東網體育Facebook專頁將為大家全程文字直播,緊貼最新消息!

【00:14】R2

2R完,末段雙方搏拳,好緊張呀!

【00:10】R1

睇到心跳停頓!由於雙方意外頂中頭,拳證暫停比賽,雙方出番嚟之後互打幾拳,1R完

【00:03】

Rex出場音樂係廿四味嘅《Bring it On》,好有Feel!

【00:00】

出場見到日本的向井寛史

【23:51】

第八場打完啦,全場鼓掌,大家都等主角登場!

【23:45】

第八場已經進入第10回合,就快完而阿Rex亦熱緊身,就快登場,大家要去厠所就快啲喇!

【23:35】第八場

現場觀眾全神貫注睇拳賽,好沉靜去觀賞,大家都似係等緊今晚主角亮相,因為拳賽隨時KO,行開咗就睇唔番

【23:00】第八場

第八場開始啦,下一場就係曹星如出場喇!

【22:55】

第7場完,渡邊勝出,不過現場觀眾都好欣賞古馬特嘅毅力,向古馬特拍爛手掌!

【22:19】第六場

輪到第六場超中量級賽事,李俊賢與英國的湯拖打得激烈。二人打足四回合,拳來拳往,最後李俊賢以點數險勝。

【21:55】英雄輝拉隊撐場

話明全城撐Rex,梗係星光熠熠除咗Do姐、李克勤、曾江等演藝界名人之外,本地體壇都有唔少球星入場為阿Rex打氣!傑志、東方龍獅、南華都有入場,傑志除咗有教頭朱志光同老婆之外,仲有林志堅、林柱機同林恩許。南華陳文輝、東方龍獅梁振邦、英雄輝、鄭璟昊、曾錦濤,就一齊排排坐。

【21:25】第五場 星如師弟潘啟情(Raymond)登場

來到第五場,現場已經氣氛再推高,Raymond在兩年前轉為職業拳手,2016年第一次參加職業拳賽就KO對手。今晚面對曾經擊敗過自己的姚達輝,雙方拳來拳往。進入第三回合,Raymond成功掌握形勢,多次避開對手揮拳,並連續出拳攻擊。全場觀眾十分專注,一度鴉雀無聲,不時有少數觀眾大叫加油。最後姚達輝以點數擊敗的潘啟情。

【20:56】

賽事去到第四場,場館已經熱血沸騰,由日本小林佑樹對菲律賓拳手基邇馬觀奴,賽事出現驚人場面,一開賽基邇馬觀奴一拳就將小林佑樹擊倒!司儀亦宣布,基邇馬觀奴只用了23秒,就成功KO對手!

【20:30】

會展會場氣氛HIGH爆,座無虛席,今晚共有9場比賽,開頭幾場都打得激烈,可以話幫觀眾熱定身,今次座位更加增至到8000個,估計門票連同贊助收入大概600萬。

【20:17】 即將決戰 曹星如:我食咗好多餐

曹星如即將上擂台爭21連勝,全城一眾名人入場支持,Rex逐一現身致謝,與嘉賓合照,經過一夜休息,星如精神飽滿,笑容滿面,他與傳媒閒談時稱過磅後已回復進食,仲話:「食咗好多餐!」為免影響星如備戰,公關上前中止了閒聊,留番打完再慢慢傾。

東網體育同你追實體壇每個精彩時刻! 

http://bit.ly/2ecTF2A 

想撐本地波?即Like我撐本地波Facebook專頁

http://bit.ly/1Wm3E4Q 


來源 source: http://hk.on.cc
鍾意就快D Share啦!
Related Posts Plugin for WordPress, Blogger...