掃呢頁CODE去手機

2017年3月27日 星期一

【汪峰爆料!】被封「中國好繼母」 章子怡同繼女唔係一齊住 __,汪峰,章子怡,子怡,

38歲內地女星章子怡前年下嫁音樂人汪峰,並育有一女「醒醒」,而章子怡對老公同前妻葛薈婕所生嘅囡囡「小蘋果」亦視如己出,經常喺網上貼一家四口嘅溫馨合照。 ...


38歲內地女星章子怡前年下嫁音樂人汪峰,並育有一女「醒醒」,而章子怡對老公同前妻葛薈婕所生嘅囡囡「小蘋果」亦視如己出,經常喺網上貼一家四口嘅溫馨合照。去年4月10日,章子怡為醒醒搞百日宴,繼女小蘋果亦有到場,仲喺台上表演彈鋼琴。據內地傳媒報道,指章子怡好親切咁稱呼佢做「大女兒」,而小蘋果就叫咗章子怡一聲「媽媽」,小蘋果即淚灑當場,章子怡馬上將醒醒交畀汪峰,自己就好心疼咁摟住小蘋果,幫佢抹眼淚,唔少網民即封章子怡做「中國好繼母」。不過,日前汪峰接受大陸節目《魯豫大咖一日行》訪問,拍攝佢一日嘅工作同生活。節目中,見汪峰接女兒小蘋果放學,但原來唔係返自己屋企,而係送去自己媽媽屋企,汪峰話﹕「媽,我送熙熙(小蘋果)回來,我們這就走。」汪峰嘅媽媽仲係鏡頭前補充一句﹕「其實子怡媽媽對她特別關照。」但此情此景,確實令人大跌眼鏡,原來汪峰、章子怡同醒醒一齊生活,而繼女小蘋果就同嫲嫲同住,難免令章子怡嘅好繼母形象崩潰,更有網民話難怪葛薈婕斥章子怡是「心機女星」,指章子怡「消費她女兒」和「作秀」。

原來章子怡同繼女小蘋果唔係一齊住。(網絡圖片) 去上4月,章子怡在台上為小蘋果拭淚。(網絡圖片)
爸爸接小蘋果放學。(電視截圖) 汪峰送囡囡返媽媽屋企。 汪媽媽不忘讚章子怡。
葛薈婕經常在微博公開斥責章子怡。(微博截圖)

來源 source: http://s.nextmedia.com
鍾意就快D Share啦!