掃呢頁CODE去手機

2017年3月31日 星期五

【驚傳婚變】流出疑似半裸照及告密信 DJ貴花田哽咽:我同老公冇問題! __,裸照,

現年44歲、港台節目《瘋show快活人》主持貴花田同老公華哥結婚多年,兩人育有一子一女。曾形容自己係賢淑家庭主婦,會為子女丈夫謀福利嘅貴花田,卻被讀者 ...


現年44歲、港台節目《瘋show快活人》主持貴花田同老公華哥結婚多年,兩人育有一子一女。曾形容自己係賢淑家庭主婦,會為子女丈夫謀福利嘅貴花田,卻被讀者爆料指有第三者,為咗新歡要同老公離婚!《蘋果》收到一封由拉斯維加斯寄嚟的「告密信」,信中還貼上一張疑似貴花田的黑白半裸相,由於是黑白,故無法鑑定是否合成照。相中女子一頭凌亂長髮,戴眼鏡,露出胸部,身材驕人,疑似是自拍照。聲稱去年8月貴花田同新歡喺酒店見面,又指貴花田以為新歡對自己一心一意,但其實對方係花心大蘿蔔,一腳踏三船。告密者稱,希望讓幾位受害女士知道,早日離開賤男。

 

《蘋果》致電貴花田求證,最初她還笑笑口說:「哈哈哈!講得咁仔細,真係太低能。冇呢件事發生,張相唔係我。0依家啲移花接木做乜都得。我同先生冇問題,冇第三者,仲要越洋爆料咁巴閉。我會保留法律追究權利,覺得佢有心破壞我嘅形象,想搞到我冇得翻身咁滯,都會覺得一笑置之。」問到佢同老公感情有冇問題?貴花田大叫:「冇問題!我覺得,唉,0依家社會好多好唔抵得人嘅人,佢鍾意講乜就講乜,究竟係唔係都唔關佢事,我o依家就唔係囉。」問到有冇第三者出現?佢強調:「冇第三者,嗰個人我唔知佢居心係乜。」貴花田仲反問記者:「憑乜覺得呢張相喺酒店影?有乜嘢證明呢個係我呢?唉,我一切正常,冇第三者呢件事。」問到係咪得罪人被整蠱?佢話:「我做呢份工,唔知幾時得罪人㗎,自己都發現網上留言,好多時好盲目地攻擊你,譬如:『你又有工人姐姐又有車,咁巴閉咩。』」有冇同老公講呢件事?貴花田坦言:「梗係有!嘩!我仲唔一家人一齊去面對?所以話好影響我屋企人,我真係喊到呢,崩潰得好緊要,我老公係信任嘅,我啲仔女話『媽咪,你唔好咁樣』佢哋中學生都知道,呢個社會啲人專登搵嘢搞作。公司都有安慰我,話冇做唔緊要,呢個世界控制唔到人講乜。學你話齋,得罪邊個你唔知,啲人諗住點搞你唔知,o依家電腦科技好犀利!如果我有H級,使乜做DJ,走去拍電影啦,我喺呢行做咗二十幾年,乜嘢樣冇俾人見過啦,一search我個名已經大把相。」貴花田越講越激氣:「平時睇我嘅相,都唔會覺得誇張到咁?呢個係套餐,要做呢件事就要有呢啲相作為有力證據。唔好意思,對唔住,我覺得係咁囉。」何以受害者要道歉?貴花田聲震震哽咽表示:「其實真係好唔開心,真係崩潰得好緊要!你明唔明呀?點解要咁先得㗎?我好地地,無端端吐篤痰畀我,你嬲唔嬲呀……其實我ok,但激動起上嚟,被屈感覺唔好受!」

《蘋果》收到一封由拉斯維加斯寄出嘅告密信,內有一張疑似係貴花田的黑白半裸照,更指女方出軌。 貴花田(中)喺香港電台節目《瘋Show快活人》主持之一。(資料圖片) (資料圖片)
(資料圖片) (資料圖片) 貴花田回應告密信中的指控,堅稱:「我同先生冇問題,冇第三者。」(資料圖片)
貴花田哽咽表示:「真係崩潰得好緊要,被屈感覺唔好受!」(資料圖片)

來源 source: http://s.nextmedia.com
鍾意就快D Share啦!