又嚟到十年一次嘅FF女友選舉，今次參賽嘅有任性女友湯洛雯（靚湯）同倣驕女黃心穎，兩個都咁Sweet同可愛，試問你點揀！醒吓啦，咁大個人仲亂諗嘢。其實只係See SeeTVB嘅Facebook專頁搵嚟兩位女神，以《與諜同謀》劇中嘅角色扮演女友嘅身份，同一眾網民示愛，片後上載只係短短幾日已經有過萬點擊，女神現身，認真非同小可！
性感露肩
先嚟介紹靚湯，佢喺劇中經常性感上陣，今次佢以劇中鄒珮瑜嘅身份競選女友，當然都要少露香肩，使盡渾身解數靚湯着上性感迷人嘅露肩上衫，露出白滑香肩，仲要紮起頭髮，啲女神味出晒嚟，淨係個Look都已經引死人！以為咁少嘢？靚湯大講甜言蜜語，務求令到一眾網民，舉手投降自願稱臣。
表現任性電死人
靚湯用佢嗰對水汪汪嘅大眼，望住你話：「你覺得我好隨便，但我知道，我諗緊嘅都係你！」試問邊個可以抵抗得到！靚湯又表現任性嘅一面，佢話：「我冇當你係阿四喎，我只係搵到一個完全信任嘅人！」真係又任性又抵錫，網民都話即管吩咐我做嘢最後靚湯使出殺手鐧，直接表白：「要我去電其他人冇問題，但唯一電到我嘅，係你！」睇到一眾網民留言話跪晒喺地，全部畀靚湯電暈。
做好惡女上司
到另一位女友候選人，幻想吓你有一個好惡嘅女上司，但呢個上司好似心穎咁靚女，佢喺劇中扮演嘅卓敏莉，表示兇狠，但內裏小鳥依人，一眾網民都話，好想有一個有反差萌嘅女友。心穎當然都有冧句派街坊，佢話：「喺人面前係惡上司，但喺你面前我先喺我！」，心穎再用甜到漏嘅笑容，同你講：「我堅強因為冇人配見到我嘅軟弱，唯一例外，就係你！」佢仲話咩都要贏，但唯一想輸畀你，網呢就話好想保護心穎，做佢背後嘅男人！兩位女神都各有千秋，是但一個做我女朋友都感動萬分呀！
網民有話兒：
ErXXXXXnt 會死人㗎～
ChXXXXXan 就係噤（咁）、就殺死人喇！
WaXXXXXan 我認輸喇！HAHAHAHAHA！正
AlXXXXXaw 出事咖嘛
VaXXXXXam 電死人....
|
鍾意就快D Share啦！
|
|
|
