探熱針
Keep住 21吋蛇腰 陳自瑤修身收服大隻王浩信
35歲陳自瑤（ YoYo）跟王浩信結婚四年多， 12年誕下囡囡靖喬後，人母 YoYo即緊張減肥修身，老公去年憑「渠頭」一⻆彈起成師奶殺手後，索爆人妻 YoYo更加不敢鬆懈，做瑜伽、打泰拳狂操 keep fit。 YoYo為咗「炮製」 21吋蛇腰，最近出動到自然療法。
要 keep住小蠻腰不易， YoYo除了做運動，飲食亦控制得小心，一向食量不大的她，近年更食得健康，戒消夜及零食。據知她近日經朋友介紹，去天然醫療中心減肥，將纖腰由二十三吋減到二十一吋，回復少女腰，她亦頻頻在微博騷身材。
「王浩信愈操愈 fit，做老婆又點可以懶，其實 YoYo一向瘦底，但生完始終肚皮會鬆啲，佢都呻過話點做運動都好難去番少女時代咁，加上湊女又拍劇，好忙又壓力大，搞到佢間唔中失眠，個人有啲水腫。喺嗰度做咗個幾月（療程）， fit咗精神咗。」知情者說。
通完頂未見疲態
嫁做王太後， YoYo索爆人妻形象更入屋， fans反而比以前多。近日忙於拍攝新劇《天命》的她，雖然連踩兩日通宵戲，但仍抽空去充電。當日她上了尖沙咀一間養生店，逗留了一小時便離開，之後再約友人茶敍，公私兩忙，難得她還有精力與朋友聯誼。
老公王浩信近年事業漸入佳境，一五年拍《樓奴》開始升呢做男一，去年拍《 EU超時任務》，更被網民大讚演技大躍進，爭視帝呼聲高，雖然最後落空，但人氣急升。
享受二人世界
旺夫的 YoYo本可以專心一意湊女，但深明夫妻相處之道，就算老公想生多個她都堅持押後︰「我一向很有事業心，做女人唔可以只得家庭冇事業，要兩者兼顧。」她偶爾還會撇下女兒，與老公二人世界，去年他們拍拖到越南旅行，事後她笑稱被女兒投訴。
將自己保持在最佳狀態，去年底在台慶跳肚皮舞時， YoYo輕輕一露即成為焦點，同場的馬國明、黃宗澤亦讚王浩信識貨。老婆 keep得好，老公有面子，王浩信都忍唔住沾沾自喜︰「佢哋讚我有眼光。」
弗爆索媽
娛圈人妻戰鬥力強，剛生完一個月的索媽陳爽以及長腿天后陳敏之，不單修身快，甚至比未生女藝人嘅 body更有睇頭。
陳爽
14年生完大仔 Adrian的陳爽，極速修身，經常大方著泳衣晒弗爆身形，被網民大讚，今年二月生完第二胎 Ashely後，陳爽更厲害，十二日已經可以著貼身褲 T恤，完全唔似啱啱生完。
陳敏之
擁有 42吋長腿的陳敏之，去年底生完第一胎，即努力湊仔修身，加上有美容院贊助減肥，唔夠三個月，跟最弗時只相差數磅，現已經「夠瘦」演出大台重頭劇《溏心風暴 3》。
撰文、攝影、攝錄：娛樂組
|
鍾意就快D Share啦！
|
|
|
