網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年3月8日 星期三

【真係全世界都知】Oreo新廣告 影晒Sammi安仔蜜遊表參道 __,Sammi,許志安,安仔,許冠傑,Sam,郭晉安,鄭秀文,

「流淚行勝利道 別再做愛情奴沒有另一半也願身邊各人都安好」許志安呢首《流淚行勝利道》唱到街知巷聞,雖然,有啲歌詞,係真係未必一時get到,就好似……第 ...


「流淚行勝利道 別再做愛情奴

沒有另一半也願身邊各人都安好」許志安呢首《流淚行勝利道》唱到街知巷聞,雖然,有啲歌詞,係真係未必一時get到,就好似……第一句「我們太認真失戀的痛 卻怕認 盛世的傷痕」,唔……其實首歌係想帶出,不應沉溺愛情帶來的痛苦之中,應該抬起你低過的頭來,去關心周遭人和事。啱呀,如果安仔當日有抬起佢低過的頭來,就唔會連入咗鏡、同老婆大人鄭秀文甜蜜行表參道入晒Oreo新廣告嘅鏡頭都唔知啦。話說早前Oreo喺表參道拍攝新一輯廣告,身穿黑白間條衫、為數約10個女model現身鬧市,好似時裝周model踏著整齊步伐前行。個廣告係用嚟宣傳Oreo嘅Crispy新口味,針對呢區人流最多嘅20代至30代女性。拍嗰陣,好多途人都在圍觀,包括途人Sammi同安仔。Sammi馬上舉機拍攝緊呢隊黑白軍團,安仔就傻更更咁唔知做乜。成個過程只係得一秒左右,而呢一秒出現咗喺Oreo新廣告裡面。片喺呢度: http://bit.ly/2mxSWO2Oreo呢條廣告片,本月2日已經推出,正式拍攝時間不詳,有可能係前一日,即3月1日。Sammi似乎都唔知當時拍緊廣告,或者佢以為只係當日電視節目,不以為然。本月3日,Sammi仲將佢街拍嘅「巡遊」片擺上ig。咁當然係影唔到安仔又啱呀!歌迷紛紛留言笑佢同安仔已經喺廣告裡面出晒鏡,有人話:「同安仔亂入表參道Oreo宣傳片」、「你俾人錄番轉番轉頭入埋鏡添呀!」、「其實你兩公婆係咪收咗人哋廣告費?」、「一齊拍廣告,笑死!」件事又真係幾好笑。咁都好吖,《流淚行勝利道》變《笑住行表參道》,下次約埋軒仔張敬軒仲可以crossover添。

看圖,求歌名。 先係model大頭 wide 啲
再wide啲! 見唔見到右邊舉機女子,同佢身邊表情有啲傻憨嘅男子? PAUSE! 仲唔係安仔Sammi?
Sammi有將佢當日街拍嘅片擺上IG,咁當然唔會同行嘅安仔上鏡啦。

來源 source: http://s.nextmedia.com
鍾意就快D Share啦!


Related Posts Plugin for WordPress, Blogger...