周柏豪話好爽呀！
由女星蔡卓妍（阿Sa）與周柏豪主演的英皇新片《原諒他77次》於會展宣傳並播放預告片，見二人在片中有咀嘴、床戲等親密鏡頭，而鄭希怡、鍾欣潼亦有客串演出，在戲中亦是飾演阿Sa的閨蜜。
問阿Sa在現實中會否原諒男友？她笑說：「要睇番咩事，都有自己嘅底線！（好似戲中唔可以有第三者？）都係嘅。」講到戲中有不少親密場面，阿Sa表示：「都多架，今次做拍拖十幾年嘅情侶，生活上有好多磨擦。（好多床戲？）都有啲，佢（柏豪）爽啲！」而柏豪透露戲中與飾演阿Sa父親的鄭丹瑞有嗌交戲：「都有幾場對手戲。（咁床戲爽啲定罵人爽啲？）罵旦哥爽啲！」身旁的阿Sa聞言笑說：「喺呢個場合問呢個問題，真係好唔畀我」柏豪聞言急急補充說：「其實床戲正啲！」阿Sa透露有一場床戲以嘈交收場，令她印象深刻，問現實生活有否經歷？她說：「又冇試過。」
新片請得拍檔鍾欣潼客串，阿Sa笑言：「我地有畀錢，唔知幾多，友情價！」鍾欣潼表示為新片客串兩日，如現實一樣做阿Sa好姊妹外，更透露是一位關鍵人物。
來源 source: http://hk.on.cc
|
鍾意就快D Share啦！
|
|
|
