網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年4月6日 星期四

收埋有米未婚妻 鄭俊弘偷食何雁詩全披露 斷正發爛渣 [壹週刊 - 1413] __,鄭俊弘,何雁詩,M1,

爆料閨密提供了多張鄭俊弘與未婚妻親熱合照,但由於想保護事主身份,閨密將女事主beebs樣貌打格。娛頭收埋有米未婚妻 鄭俊弘偷食何雁詩全披露 斷正發爛渣 ...


爆料閨密提供了多張鄭俊弘與未婚妻親熱合照,但由於想保護事主身份,閨密將女事主 beebs樣貌打格。

娛頭

收埋有米未婚妻 鄭俊弘偷食何雁詩全披露 斷正發爛渣

何雁詩因情緒病辭演台慶劇《誇世代》,但原來她這段時間秘密同鄭俊弘發展地下情,星期日( 2/4)何雁詩由橫店返港,鄭俊弘更親自揸車接機,熱戀得痴纏。

不過,何雁詩其實是第三者,鄭俊弘原來收埋了一個拍拖三年富家女友,他更在一五年八月一日向女友求婚成功,女方一家無論在生活及金錢上,都對鄭俊弘照顧周到,點知他唔心足走去偷食,打算一腳踏兩船,但最後被正印捉到斷正。

正印因被騙而大受打擊,而她的閨密睇唔過眼,決定向本刊爆料,將鄭俊弘偷食過程全披露,撕開他扮乖仔假面具。

一五年八月求婚

根據爆料者所提供資料,鄭俊弘一四年七月在一次遊船河活動,認識剛由外國讀完書回港 beebs(這個是鄭俊弘對女方的暱稱),當晚船河後鄭俊弘已經即刻約對方去下場飲嘢,終於在八月一日正式開始拍拖。

之後,據知兩人戀情突飛猛進,雙方更見晒家長,但由於鄭俊弘當時由一名二打六贏了「星夢」可以出碟做歌手,為免影響偶像形象,他們都有共識要地下情,極少出街拍拖。

在二○一五年七月三十一日,為慶祝他們拍拖一周年紀念,他們包了七人車到深圳瑞吉酒店, book了一間兩層複式房間慶祝,由於鄭俊弘怕被人 check到,於是由女友負責 book房及俾錢,去到凌晨十二點互相俾對方 surprise,見到鄭俊弘突然換了一套禮服,跪在地上手上攞住隻結婚戒指向女友求婚,而 beebs當時亦答應,鄭俊弘更帶了一支由 fans送的貴價紅酒上深圳,求婚成功後飲酒慶祝,之後他們更換了一套藍色情侶裝,攬住自拍留念。爆料者更提供了當時他們的合照。

「其實去深圳前阿 Fred喺 WhatsApp都有同 beebs提過結婚嘅事, Fred趁喺加拿大做 show嗰陣,去咗間出名賣結婚戒指同首飾嘅 Michael Hill Jeweller,買咗隻求婚戒指。 Fred揀呢個時候求婚,原來因為 Fred應承過 beebs同佢屋企人,話拍拖一年內會俾個承諾,所以喺一周年嘅時候求婚。」爆料者說。

爆料者更提供了一段聲稱是鄭俊弘 send給未婚妻 WhatsApp錄音,「老婆,要唔要我買糖水 dessert嗰啲呀」,力證二人親密關係,該錄音清楚聽得出是鄭俊弘聲音。

閨密爆料

15年 8月 1日,鄭俊弘在深圳瑞吉酒店向 beebs求婚,事後兩人更換上情侶裝飲紅酒慶祝。

本刊得到一張由 Michael Hill Jeweller發出戒指單據,上面印有鄭俊弘英文名 Frederick Cheng,而這隻求婚鑽戒指只需七百多元加幣(約$4400港幣)。

女家俾錢坐頭等

由於已經決定會結婚,所以女方的家人都當正鄭俊弘是女婿看待,他們經常一齊家庭旅行,每次搭飛機不是坐頭等就是坐商務客位,他們都不會問鄭俊弘收錢,而鄭俊弘亦沒有自動自覺表示會自己俾番錢。

而 beebs這幾年沒有工作,專心幫鄭俊弘打理屋企,管理他家中大小事、每日飲食,同打理他的愛犬。

「間唔中 Fred不時都有同 beebs講第時結婚要點,又諗埋地點,上年十月佢哋去芝加哥旅行,見到間好靚嘅餐廳, Fred話想婚禮喺嗰度搞,連著乜嘢衫,乜嘢造型都講埋,不過就從來冇講時間囉,但係 beebs都唔心急,覺得佢好可靠唔會反口。」爆料者說。

據知直到今年二月開始,鄭俊弘開始有異樣,對 beebs突然態度忽冷忽熱,不過他當時解釋係因為工作唔開心,該段日子剛巧就是鄭俊弘同何雁詩錄合唱歌《真心真意》期間,加上這段時間 beebs與家人出外旅行,留低鄭俊弘獨自在香港無王管,增加他偷食機會。

同未婚妻拍拖後,鄭俊弘事業開始有起色,男方為保事業,堅決密封戀情。

同未婚妻 selfie的地點是鄭俊弘屋企,背景的入牆櫃放滿男方《星夢》的獎座。

鄭俊弘不時同未婚妻孖住愛犬 Mozart影合照。

熱戀期,鄭俊弘稱未婚妻做愛犬媽咪,祝她情人節快樂。

鄭俊弘向未婚妻送上新碟,寫上肉麻留言:「 I love U bubbie, now and forever.」(我愛你,現在直到永遠)。

3月 23日,未婚妻發現有異樣,向男友質問,鄭俊弘承認同何雁詩飲嘢,還送對方返回大埔

屋企。

搭上何雁詩初期,鄭俊弘不時向未婚妻傳愛犬合照,掩人耳目。

已經同何雁詩撻着的鄭俊弘, 3月 10日仍與未婚妻商討到越南和關島旅行。

據爆料者提供 WhatsApp記錄備份, F代表 Fred, B則代表 beebs,在 15年 7月鄭俊弘承諾想結婚(紅線)。

女方不時上門玩煮飯仔,鄭俊弘回覆短訊時大方稱她為未婚妻(紅線)。



見完小三再攬正印

「 Fred同 beebs喺三月十六日嘅 WhatsApp對話,仲講緊去關島或者胡志明市旅行,根本冇諗過佢有第二個,廿二號嗰晚阿 Fred約咗 beebs入愉景灣屋企煮飯仔, beebs會親自下廚煮海南雞,阿 Fred喺 WhatsApp表現得好雀躍仲話:『正喎!好食喎。』之後仲叫 beebs早啲到嘅話去放埋狗。

「點知嗰晚阿 Fred由原本話九點返到,後來又話要同人開會,結果等到凌晨四點多先返到,嗰陣 beebs瞓咗, Fred一上床就攬住佢,仲話:『 So good to be home。』

「第二日 beebs就如常幫 Fred處理單據,點知收到一個 Uber Email, Fred開咗個新 Uber戶口,見到 Fred喺凌晨三點由大埔滌濤山去中環碼頭,而最震驚係見到付款人個名,係用咗一個 Stephaine Ho開頭嘅 EmailPayPal戶口做登記,而何雁詩的英文名就係叫 Stephaine,屋企亦係住喺滌濤山,之後 beebs再發現 Fred留低的單據,係昨晚佢去咗海港城唐人館食飯,而單據嘅食量係兩個人,而唔係佢所講有幾個人,於是更加懷疑佢哋兩人有路。其實再之前一晚 Fred先帶 beebs同啲朋友去咗呢度,真係食過翻尋味。

「於是 beebs WhatsApp Fred,問佢噚晚係咪同 Step(何英文名簡稱)去唐人館食飯,同埋點解會喺大埔,之後 Fred答佢『 Dropped off Step』,跟住再錄音留言話:『冇呀,諗住放低佢。』最初 Fred都唔認上過 Step屋企,但俾 beebs chok兩 chok,佢先認前言不對後語,認送咗 Step返屋企,仲上埋去飲杯水同去廁所先走,但係唐人館收十點半, Fred成三點先喺滌濤山走,起碼留咗喺 Step屋企兩個幾鐘,呢兩個幾鐘可以發生幾多事呀?」爆料者說。

2/4 原本在橫店拍《天命》的何雁詩,因為有幾天假期,專登回港拍拖。

鄭俊弘揸住自己的坐駕去接何雁詩機,但沒有落車幫她攞行李。

3/4 何雁詩同鄭俊弘雙雙在女方滌濤山寓所出發,去到大埔林村。

其間何雁詩煙癮起,攞住支水煙吞雲吐霧。

當日同行仲有賴慰玲,但發現有記者後,他們刻意分開走。

刪除偷食短訊

之後兩日鄭俊弘不斷打電話俾 beebs,但她拒絕接聽,直到廿七日終於再聽鄭俊弘電話,他不斷強調同何雁詩只係好朋友,叫 beebs相信他們冇其他,而 beebs亦一時心軟原諒對方,當晚更煲了湯入愉景灣。

「點知在中環碼頭, beebs同 Fred撞到正,但係見 Fred眉飛色舞喺度講電話,完全察覺唔到 beebs喺度,一路講到返屋企, beebs坐同一班船,都估到佢一定係同 Step傾緊,等 Fred返上樓, beebs再上樓,準備開門之際, Fred衝了出嚟一見到佢仲講:『 Hi baby, what are you doing here!』

「 beebs問佢頭先同邊個講電話, Fred即刻好嬲,但係承認同 Step傾,佢話講緊公司啲唔開心嘢,之後 beebs就叫 Fred俾個電話佢睇,點知 Fred發爛話:『 No!』然後即刻刪除同 Step嘅 WhatsApp對話, beebs一手搶咗佢電話衝入廁所,睇到佢 delete晒啲同 Step嘅 message,但係見到通話記錄大部分都係 Stephaine Ho,佢問 Fred如果冇嘢點解要 delete晒啲對話, Fred就話:『驚你睇到唔開心。』佢兩個吵完一鑊之後,講到最後 Fred終於親口認咗鍾意 Step。」 beebs亦徹底認清鄭俊弘真面目。

幽會斷正

因為已被正印揭發偷食,鄭俊弘更加肆無忌憚繼續同何雁詩來往,星期日(四月二日)何雁詩由橫店返港,鄭俊弘親自揸車往接機,第二日兩人更在中午時分離開何雁詩大埔寓所,去到林村約埋賴慰玲去 tea time。當離開時記者問到二人是否拍拖,兩人互望一下,鄭俊弘完全冇出聲,何雁詩就說:「唔知呢,等我諗吓點答先!」記者再追問後,她表示:「你鍾意話有就有,冇就冇啦。」

因為 2月錄合唱歌又拍 MV,令到鄭俊弘同何雁詩更多機會走埋一齊。



何雁詩瘋狂在 Ig post她與鄭俊弘恩愛相,更寫埋「 True Love」。



beebs同鄭俊弘拍拖初期,男方仍不時同姜麗文有聯絡,當時他有解釋話,兩人一齊六年有感情,唔會話分手就不會再做朋友,當時 beebs仲覺得鄭俊弘有情有義。

3月 31日鄭俊弘在中環碼頭等船返愉景灣,其間電話不斷,同 beebs見到鄭俊弘狂傾電話情節好相似。

去年鄭俊弘同 beebs去芝加哥旅行,去了一間餐廳食飯,鄭俊弘之後表示想在這間餐廳舉行婚禮。

專吼 ABC

憑《星夢傳奇》一夜成名的鄭俊弘,紅咗之後,食女緋聞一大籮,但 Fred獨愛 ABC,專吼外國浸過鹹水的女仔。

姜麗文

與外國長大的姜麗文( Lesley)拍拖六年,自 13年,在《星夢傳奇》彈出後,鄭俊弘更死口唔認 Lesley女友身份,食完即棄,一度激怒秦沛,連 Lesley哥哥姜文杰亦忍唔住出口暗寸 Fred紅咗多女埋身。

王嘉儀

14年,鄭俊弘被斷正與《超級巨聲》出道的王嘉儀夜會大坑,二人逛足半個鐘搵嘢食,被撞破後騰晒雞即閃。

蔡思貝

先後於新西蘭及德國留學的蔡思貝,性格似足鬼妹仔,愛得大膽,與鄭俊弘拍廣告後一撻即着,男方開處男騷,蔡思貝更毫不避忌,親自送花到後台。

苗彤

樣靚身材勁的苗彤,自小國際學校讀書,鄭俊弘𥄫中對方係星二代,大家都係加拿大返嚟,話題多又投契,出盡冧招發力狂追,即被三哥苗僑偉阻截。

姜麗文

王嘉儀

蔡思貝

苗彤

貼錢瘟仔

「巨聲幫」出身的何雁詩,有個富爸爸,生活無憂米。出道以來緋聞不絕,一向愛情至上的她,對於身邊男伴,一向主動出擊,甚至貼埋錢拍拖都無所謂。

林師傑

09年,參加第一屆《超級巨聲》與林師傑一撻即着,二人於圓方拍拖斷正,不過關係只維持好短時間。

謝東閔

13年,與「巨聲幫」師弟謝東閔秘密撻着,拍拖一年多,何雁詩不時做埋司機,管接管送,其後更發展到貼埋自己間大屋同居一齊住。

張子丰

14年,被拍到與環星唱片公司太子爺張子丰( Fred)於大坑撐枱腳,其間二人大聲講細聲笑,又玩自拍,態度親暱。

日韓混血兒 Wataru

去年,搭上日韓混血兒 Wataru,何雁詩愛得高調,經常人肉速遞到 Wataru開的韓國餐廳打躉,做跟得女友,等男友收工。其後,有傳何雁詩更借了一大筆錢俾 Wataru周轉,拍拖接近一年,最終都分手收場。

林師傑

謝東閔

張子丰

日韓混血兒 Wataru

撰文、攝影、攝錄:娛樂組


鍾意就快D Share啦!