掃呢頁CODE去手機

2017年4月13日 星期四

經歷家暴兼失戀 朱智賢搵姊妹陪食 [壹週刊 - 1414] __,朱智賢,M1,

本週一下午,有好姊妹陪伴的Ashley明顯回復心情,仲買軟雪糕氹自己開心。探熱針經歷家暴兼失戀 朱智賢搵姊妹陪食港姐出身的32C新咪神朱智賢(Ashl ...


本週一下午,有好姊妹陪伴的 Ashley明顯回復心情,仲買軟雪糕氹自己開心。

探熱針

經歷家暴兼失戀 朱智賢搵姊妹陪食

港姐出身的 32C新咪神朱智賢( Ashley),早前在 ig爆 seed被阿哥家暴,被打到鼻樑腫起的她,決定搬離屋企暫避,認真陰功!

家暴事件,加上數月前同有米餐廳老闆男友分手,雙重打擊下的 Ashley好彩有好姊妹輪流陪伴,本週一(四月十日), Ashley就孖住女友人現身銅鑼灣行街 shopping,睇完 bra再掃護髮用品,最後食軟雪糕氹自己開心,變番開心果!

家暴後首現身

有樣有身材的 Ashley,早前在森美同小儀主持嘅《千奇百趣特工隊》,化身「特務朱」,令到觀眾留下深刻印象,節目中, Ashley表現活潑,但早前,就突然喺 Ig自爆被家暴,仲貼上一張鼻腫相並留言:「有個咁嘅阿哥真係家門不幸,由細到大成日俾佢打,拳拳到肉,細個咩都唔識,淨係識喊,到大個咗,睇住佢問候阿媽祖宗十八代,不知幾想鬧番佢轉頭,不過唔想多管閒事,啲人成日話父母有責任,我覺得佢已經三十五歲人係成年人,已為人父都唔識做人真係好悲哀!」家暴事件後, Ashley一直收埋自己,回覆傳媒只輕輕透露話會由爸爸處理,現已搬離屋企。本週一(四月十日),被家暴的 Ashley終於現身銅鑼灣孖住好姊妹行街 shopping,起初愁眉苦臉的她,經朋友開解後明顯心情大靚,兩條 Queen睇完 bra再轉戰商場掃化妝品,行到又攰又熱, Ashley一見到雪糕車即衝去買軟雪糕消暑兼氹自己開心,做人樂觀,難怪冧掂咁多宅男

Ashley在森美主持的《千奇百趣特工隊》中化身「特務朱」。



早前 Ashley在 Ig爆 seed被阿哥家暴,相中可見 Ashley鼻樑

腫起。

問到家暴事件後是否已原諒哥哥, Ashley表示:「我擺低等爸爸處理,住喺朋友度先。」

好姊妹不停開解愁眉苦臉的 Ashley。

Ashley入到一間連鎖胸圍店揀 bra,其間仲拎上手逐個揀。

否認「一腳踏兩船」

Ashley同「巨聲幫」謝東閔老友鬼鬼,仲曾經孖住行花市兼去嘉年華而傳出緋聞,同一時期,撞啱 Ashley同餐廳老闆男友鬧分手,難免外間一直傳出她「一腳踏兩船」,仲話前度曾入將軍澳電視城發難,據知, Ashley曾經為此事嬲到喊。「 Ashley同佢個 ex分咗手都仲做得番朋友,所以根本唔關謝東閔事,但 Ashley都有同朋友呻過嬲自己唔識避忌,搞到啲人亂講,仲委屈到喺我哋面前喊過。」知情人士透露。本刊記者問到同謝東閔關係時,朱智賢就大方表示:「我同佢係好朋友嚟㗎啫!(因為謝東閔而同前度分手係咪真?)其實冇呢件事,成件事係假,我前度從來者無入過 TVB半步。(家暴呢件事係咪仲嬲緊你哥哥?)而家暫時喺朋友屋企,暫時就擺低等我爸爸處理而家工作會繼續!」家和萬事興,希望 Ashley很快就冇事



獲封新一代咪神的 Ashley,去年在 J2旅遊節目《 3日 2夜》換上比堅尼,大騷 32C噴血身材。



家暴事件發生翌日, Ashley不忘在 Ig po做瑜伽相報平安。

撰文:娛樂組

攝影、攝錄:楊紫、丁孝仁


鍾意就快D Share啦!