2017年4月13日 星期四

王維基愛將 翻版楊恭如轉投李逸朗 [壹週刊 - 1414] __,王維基,李逸朗,楊恭如,M1,

娛樂偵訊王維基愛將 翻版楊恭如轉投李逸朗一度是失蹤人口的李逸朗,15年回歸香港娛圈出歌密密拍戲外,更被指挑戰難度力追特首女梁齊昕,前年初,又被發現跟港 ...


娛樂偵訊

王維基愛將 翻版楊恭如轉投李逸朗

一度是失蹤人口的李逸朗, 15年回歸香港娛圈出歌密密拍戲外,更被指挑戰難度力追特首女梁齊昕,前年初,又被發現跟港姐朱晨麗麥記撐枱腳,不過統統係無米粥。最近 Don(李逸朗)終於有着落,撻着王維基港視愛將、有翻版楊恭如之稱的鮑康兒,二人早前更秘密飛紐約旅行。

護士女神

李逸朗去年十月跟鮑康兒合作內地網絡電影《化妝屍》,在戲中飾演情侶,雖然開工十幾日,不過日對夜對擦出真火,戲拍完,二人感情有增無減,李逸朗更會拖鮑康兒出席朋友聚會。

有意在娛圈發展的鮑康兒,○八年曾參選亞姐,一二年王維基港視開台,她成為第一批藝訓班畢業生兼備受力捧,先後拍過《選戰》、《警界線》等劇集,一五年與陳栢宇合作《大眾情性》,扮演女神護士而一度人氣急升。

李逸朗跟鮑康兒今年 1月孖住遊紐約,各自 po相,但「情侶帽」卻出賣了二人親密關係。

紐約大雪,二人影相背景都十分相似。

搵女友拍戲

拍拖幾個月,二人打得火熱,據了解,李逸朗年初飛紐約做騷,鮑康兒也有同行,慶祝第一個共度的聖誕及新年,但就分別 po相上 ig。

「阿 Don(李逸朗)早排同楊思琦一齊拍嗰部網片《神探茄哩啡》爆咗,喺內地多咗好多 job,好有景,仲由將軍澳屋苑搬去尖沙咀住。雖然好忙,好多時都飛內地開工,不過返到香港,就會補番數,陪鮑鮑(鮑康兒)周圍去。」身邊人透露。

有指二人拍戲撻着,身在北京開工的李逸朗在電話中否認:「我哋係好朋友,佢係一個好好嘅女仔,好多時都會約埋食飯睇戲。我近排籌備緊新戲,都會同好多幕後人開會傾劇本,唔通因為咁避開晒所有女仔咩。」問再做導演的他,會否搵鮑鮑做其中一個角色,他唔排除:「而家仲未定角色,不過有啱嘅都會搵佢合作。」

在好朋友家中食韓燒,李逸朗跟鮑康兒放下戒心,素顏上鏡。

去年底,二人跟圈外朋友一齊睇張學友演唱會,又齊齊去後台探班。

鮑康兒參加 08年亞姐,同屆冠軍是陳展鵬前度姚佳雯,她只獲「友誼小姐」。

在《大眾》一劇中,她跟佘詩曼緋聞男友麥子樂做情侶。

有朵女友

港視電視劇《大眾情性》開記者會時,王維基特登出席打氣,而有份演出的鮑康兒雖被安排在前排最右位置影大合照,但在劇中戲份頗重。

李逸朗緋聞女友一大籮,有港姐有特首女以及早年移居台灣的舊拍檔,文青女神蔣雅文,個個有朵。

蔣雅文

05年,傳出跟同是英皇出身的歌手蔣雅文拍拖,不過移居台灣發展多年,成文青女神的蔣雅文 15年返港開 pop up store,即澄清二人從未過電。

葉翠翠

06年跟當年港姐冠軍葉翠翠拍拖,唔夠一年分手,葉翠翠以「不堪回首」解釋分手原因。

梁齊昕

15年 2月,李逸朗以「哭腔」回歸香港樂壇唱《傻女》大爆,開迷你演唱會時,特首女梁齊昕突然出現捧場,有指二人經常互傳訊息傾偈,好有 feel。但事後有指梁齊昕向友人透露被利用,但李逸朗卻澄清從未邀梁齊昕睇騷,各執一詞。

朱晨麗

15年 4月,李逸朗被拍到跟朱晨麗在男方將軍澳公屋住所附近食麥記,之後再上男方屋企短聚,事後朱晨麗表示男方是她的「閨密」,並非拍拖。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...