掃呢頁CODE去手機

2017年4月20日 星期四

阿爺下旨一年要見孫兩次 梁洛施帶三子秘密返港 [壹週刊 - 1415] __,梁洛施,M1,

首次見樣李嘉誠落order要見孫,早前Isabella帶住三個仔秘密返港。娛頭阿爺下旨一年要見孫兩次 梁洛施帶三子秘密返港09年,年僅二十歲的梁洛施( ...


首次見樣

李嘉誠落 order要見孫,早前 Isabella帶住三個仔秘密返港。

娛頭

阿爺下旨一年要見孫兩次 梁洛施帶三子秘密返港

09年,年僅二十歲的梁洛施( Isabella)為李澤楷誕下骨肉轟動全城,翌年再接再厲,成功誕下一對孖仔,可惜關係維持了四年便玩完,童話落幕,從此 Isabella湊住三子隱居多倫多。

Isabella與三子的行蹤向來都極之神秘,除了長治剛出世時,李澤楷曾發相外,三個小朋友都未見過真身,但原來上月中 Isabella帶了三個囝囝返港,眨吓眼七歲大的李長治,同老豆餅印一樣,簡直係「 Mini版小小超」,絕對唔驚走失!至於從未曝光的孖仔 H&N,兩兄弟無論高度、樣貌都好似倒模咁,好得意!據知今次 Isabella接旨返港,主要任務是要帶三個仔同爺爺李嘉誠聚天倫。

阿爺下旨見孫

長治激似李澤楷

七歲大的長治五官同神情都似足老豆,簡直係「 mini版小小超」。

去年李澤楷被拍得同新寵郭嘉文密遊日本,最近女方仲一炮過買入過億逸瓏天池屋,雖然「楷女郎」一個接一個,但手持三張王牌的 Isabella,仍然得到小小超無限量照顧。

一直長居多倫多的她,獨力湊住三子,小小超雖然公事繁忙,但定時定候都會飛到當地一家團聚。據知爺爺李嘉誠因為掛孫心切,下旨每年最少要見三粒孫仔兩次,所以每隔半年, Isabella就會帶埋三個仔返港見爺爺。

「之前有傳聞話孖仔唔得爺爺歡心其實唔係,爺爺都有想過接三個孫仔返香港住,不過 Richard唔想,佢想啲小朋友喺多倫多生活,唔想佢哋俾傳媒騷擾,所以佢哋每次返嚟都好低調,唔會揀大時大節假期日子。」知情者透露。

特事特辦

早前 Isabella在媽咪陪同下,秘密帶三子返港,湊住三個未來李氏集團的「繼承者」, Isabella行事十分小心。返港期間,有目擊者見過 Isabella同三個仔低調現身數碼港,留港十日,一行人馬上折返多倫多。

為掩人耳目,回程當日 Isabella刻意同媽咪分開到達機場,大仔長治交由媽咪照顧,自己則負責湊住一對孖仔。到達機場,先派兩名保鏢代辦登機手續,之後 Isabella一手拉喼,一手拖住囝囝,在航空公司職員協助下「特事特辦」,急急腳從職員通道入閘。

有保鏢傍住, Isabella帶住孖仔急步入閘,保鏢送到閘口便離開。

Isabella在航空公司職員協助下行職員通道入禁區。

對住孖仔 Isabella非常有耐性,盡顯慈母一面。

自小鍾意音樂的長治,今次專程帶埋 trumpet返港,表演俾爺爺聽。

長治扭計要除帽, Isabella立即阻止。

孖仔幫媽咪手拎喼,人仔細細好大力!

衣著平實

出世至今,李家上下對三個千億孫仔一直採取高度保護,眨吓眼已經六歲的孖仔今次首度見樣,當日兩兄弟著住一藍一白的間條衞衣襯牛仔褲,戴 cap帽、孭背囊,全身都並非名貴嘢,貫徹李嘉誠「千億孫仔」低調打扮。

驟眼睇孖仔一樣高度,而且超似樣,十足十倒模一樣,非常得意!至於剪了一頭短髮的 Isabella,一身 casual wear,孭住約一千元的 Longchamp帆布袋,打扮非常樸實。

「 Bella湊仔方法跟足李家一貫作風,好樸素。佢唔會買好貴嘅名牌俾啲仔著,都唔會亂買玩具,平時喺多倫多,佢哋都係去啲平民餐廳,出入都冇保鏢跟身,好低調。」知情者透露。

Isabella帶住孖仔入貴賓室會合長治同媽咪後,再一齊上機。

同 Isabella分手後,李澤楷女伴一個接一個,最近被拍得同新寵郭嘉文遊日本,女方更一炮過買入過億豪宅,可見小小超出手闊綽。

孖仔乖巧

09年, Isabella為李澤楷誕下大仔長治,當時二人仍未分手,更發放全家福晒溫馨。

入閘後, Isabella湊住孖仔先去會合媽咪同長治。現場所見,一對孖仔非常乖巧,沿路一直拖實媽咪。搭無人駕駛時,孖仔大聲說話, Isabella示意要降低音量,孖仔立即聽話收聲,之後三母子走入 lounge會合長治,齊齊等上機。

直至航班起飛前十分鐘, Isabella同媽咪湊住三個仔,施施然步出 lounge,今年七歲的長治終於現真身,身穿曼聯運動衫的他已經高到媽咪心囗位置,無論神情同樣子都似足老豆,加埋棚牙完全餅印一樣。沿路 Isabella拖到長治實一實,其間長治想除低帽, Isabella即刻阻止。

長治自備樂器冧爺爺

Isabella曾經透露長治好有音樂天分,細細個開始學鋼琴。今次返港,為氹爺爺開心,長治更自備樂器表演。

「三兄弟性格好唔同,長治比較文靜鍾意音樂,唔止學琴,最近仲開始學 trumpet(小號),今次仲特登帶埋支 trumpet返嚟吹俾爺爺聽,孖仔就好動啲,鍾意踢波打羽毛球。」

兩次復出撻 Q

分手後, Isabella復出第一炮,接拍文藝片《念念》,可惜票房麻麻。翌年再演出舞台劇《快樂勿語》,門票一樣滯銷。

卸任「楷女郎」後, Isabella難抵寂寞,一直希望搵機會復出。一三年, Isabella在台灣接拍文藝片《念念》,可惜票房同囗碑一樣麻麻。翌年 Isabella再試水溫,同恩師詹瑞文合演舞台劇《快樂勿語》,九場門票冇場爆,入座率僅得七成,兩次復出撻 Q, Isabella索性疊埋心水專心湊仔。

李氏繼承人

作為香港首富之一的李嘉誠,身家多到幾代都使唔晒,現階段李澤鉅同李澤楷繼承老豆生意,去到李氏第三代,亦不乏後人,但暫時個個都仲細。

李澤鉅 王儷橋

93年,與王儷橋結婚,婚後二人共育有三女一子。 21歲大女李燕寧,亭亭玉立;二女李思穎和細女李燕容,仲讀緊中學;三女甚少公開露面。至於金笸籮李長禧,現年十一歲,作為李家長子嫡孫,分外保護,返學放學都有保鏢跟實,生活亦要保持低調,著平民衫,戴幾百蚊平價手錶。

李思穎

李長禧

李澤楷 梁洛施

與女友梁洛施育有三子,長子李長治現年 7歲,而另外兩個孖仔細佬只有 6歲,三個小朋友先剛開始讀書,未有咁快做到接班人。

甚少露面

一直好保護三名兒子,偶然只會從社交網貼上三子背影,或是被網民捕捉行蹤,從未正式公開露面。

美國麥當勞

11年,網民爆料梁洛施驚現美國鳳凰城麥當勞,與長治歎平民餐賀兒子生日。

溫哥華

11年,再被網民發現與三子出沒溫哥華,同行還有一個工人及一個保鏢,梁洛施發現被影後,即抱子火速離開。

多倫多行街

13年,網民上載梁洛施與一對孖仔於多倫多 Yorkdale商場行街,相片只見孖仔背影,只見孖仔穿一樣服飾,剪了一個跟李澤楷一樣的父子頭。

近年 Isabella湊住三子長居多倫多,甚少露面,每次被網民捕獲都只見背脊。

美國迪士尼

15年,為慶祝大仔長治六歲生日,梁洛施帶三子去美國奧蘭多迪士尼樂園遊玩,並於社交網貼出三兄弟的兄弟裝的背面。

撰文、攝影、攝錄:娛樂組


鍾意就快D Share啦!