掃呢頁CODE去手機

2017年4月20日 星期四

《天師執位》大粒癦廖駿雄 消失幕前廿年 由收買佬變環保木匠 [壹週刊 - 1415] __,廖駿雄,M1,

呢嚿枯木在他手上變成藝術品,雕琢數年,至今仍未完成。探熱針《天師執位》大粒癦廖駿雄 消失幕前廿年 由收買佬變環保木匠84年大台經典劇《天師執位》,除有 ...


呢嚿枯木在他手上變成藝術品,雕琢數年,至今仍未完成。

探熱針

《天師執位》大粒癦廖駿雄 消失幕前廿年 由收買佬變環保木匠

84年大台經典劇《天師執位》,除有令人回味的苗僑偉與翁美玲的演出,肥頭耷意的配角「大粒癦」一樣令觀眾難忘。

原來在幕前消失近廿年的「大粒癦」, 97年離開大台後,做收賣佬發達,亦經歷過生意失敗債台高築,今日他成為環保木匠,擅把枯木活化的他,亦把 58歲的自己重新包裝做型佬,再戰娛圈。

離開大台即失業

九七年拍罷《鹿鼎記》,「大粒癦」廖駿雄決跟大台 say goodbye。豈料外闖第一步遇上金融風暴,頓即失業。廖駿雄說:「當時公司( TVB)猛叫我續約,我求佢唔好再簽我,因為已經鋪晒路去馬來西亞發展,點知一個金融風暴,嗰邊好多戲都唔再開,我當堂企咗喺度,又唔返得轉頭,無理由認低威。」

84年的《天師執位》,收視高達 61點,男一苗僑偉更上一層樓外,廖駿雄亦因「大粒癦」一角,令人留下深刻印象。

年輕時,在大台演的多是調皮鬼馬的角色。

去年復出,戲接戲。近日夥拍陳小春演網劇《反黑》,愈老愈型的他說:「我呢類型,娛圈市場好缺貨。」

開夜冷到欠巨債

市道蕭條失前途,他腦筋急轉,食住逆市化危為機。「我決定喺九龍城開鋪做夜冷,因為當時好多公司執笠、破產,好多跳樓貨接收,試過有間日本煙草公司撤出香港,我喺高級職員同老細間辦公室執到好多筍嘢,包金嘅杯,好多好嘢,執到十萬八萬貨,開業第一個月,我做咗廿萬生意。」九九年生意擴充,租埋何文田四千呎鋪位。「呢度係我仆街嘅時候。」回頭看,廖駿雄像說笑話。「一來擴充太快,二來金融風暴過渡期完咗,啲人回番氣,唔係咁多貨收。生意開始走下坡,我唔甘心仲搏落去,結果由賺變蝕,欠下百萬債。」

他的環保木雕作品,其中樹枝改成的毛筆架,送給同學陳敏兒。

落難避見圈中人

落難時,他拒跟圈中朋友聯絡。「當時啲圈中朋友唔知我落難,因為人要面樹要皮,費時同人講。避開唔聯絡,亦因盡量唔想使錢,當時每日老婆俾廿蚊我用,早餐都唔敢食。我寧願人家俾條路我行,都唔想借人錢。我係輸晒冇路行,我只需要一條路,肯做就搵到食。」最後他投靠家姐,幫手打理 trading生意,之後他北上自立門戶。

他說:「單拖上去浙江開山劈石,一踎就八年,還晒啲債,仔女又大晒我就喺○四年結束生意返香港,因為呢盤生意唔係我想做嘅嘢。」

他只花十天,就把貨櫃改裝成工作室,又把棄置的馬桶當花盆,果然有創意!

97年他開夜冷店,老友林偉專登去鋪頭撐場。

廖駿雄是無綫第八期藝員訓練班,同班同學好多都是我們認識的名字,到今日他們依然有聯繫。

環保木匠兼演員

贏過、輸掉再翻身,廖駿雄回流過住半退休生活,把做夜冷時學懂將甩皮甩骨的舊物翻新,鑽研成一門木藝,專把枯木活化成藝術。「你睇係爛木,我眼中係藝術品,每嚿爛木頭其實都有生命,我要令佢有二次生命。」

去年他重出江湖拍戲,網劇、電影一部接一部。「我啲 friend大多都係圈中人,見番佢哋我好開心。」將自己活化,就是做自己喜歡的事。

鬼馬的他,把昔日、今日與老友吳岱融合作的相片玩對照,兩個都是愈老愈有型的中佬。

有索妻在旁,年過半百的他打扮要型。

23歲的兒子 Kelvin,外形有幾分似譚俊彥,今年他跟父親入娛圈,老豆寄語:「唔好做小鮮肉,要做動作演員。」至於 29歲的大女 Polly,是農莊導賞員,外貌有幾分似小龍女卓林。

翁美玲尋死前 廖駿雄:如果堅持留低陪佢……

在《天師執位》,翁美玲既是廖駿雄的演出拍檔,也是他老友兼訓練班同學湯鎮業的女友,故二人私交甚篤。 85年 5月,翁美玲自殺當晚前幾小時,廖駿雄在公司錄影廠碰見悶悶不樂的翁美玲。「見佢好唔開心,我問阿翁:『使唔使我留低陪吓你?』佢話唔使。點知我拍完夜班開早時,就聽到佢出事,當刻我後悔,會諗如果當時我堅持留低陪佢,可能會好啲。」可惜如果沒如果。「個心因此唔舒服,不過之後諗通咗,人生根本好多嘢整定。」廖駿雄說。

佢係村長個仔

廖駿雄的父親廖潤琛是上水圍村村長,但作為村長個仔,他並非二世祖唔使憂。「我爸爸係一個專注為地方做嘢嘅村長,將搵到嘅錢都放晒落公益同藝術度,深受村民愛戴,佢兩袖清風,所以我冇父蔭,一直靠自己。」

上水村長廖潤琛

五十年代上水石湖墟兩度經歷大火,九成家園被燒毀。廖駿雄說:「我爸爸同張人龍四處奔跑籌錢重建上水石湖墟,爸爸亦因此受到尊重,之後政府喺上水一條路命名『龍琛路』,紀念佢哋功勞,上水有間學校亦以爸爸命名。」

撰文、攝影、攝錄:娛樂組


鍾意就快D Share啦!