網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年4月20日 星期四

老豆十億身家 黃翠如胞妹倫敦開檔賣雞蛋仔 [壹週刊 - 1415] __,翠如,黃翠如,M1,

四妹黃曉芙在英國賣雞蛋仔的黃曉芙,吸引唔少外國人幫襯,開業半年就收支平衡,果然有生意頭腦。娛樂偵訊老豆十億身家 黃翠如胞妹倫敦開檔賣雞蛋仔黃翠如父親黃 ...


四妹黃曉芙

在英國賣雞蛋仔的黃曉芙,吸引唔少外國人幫襯,開業半年就收支平衡,果然有生意頭腦。

娛樂偵訊

老豆十億身家 黃翠如胞妹倫敦開檔賣雞蛋仔

黃翠如父親黃永華由早年在街市賣魚,到跳升為土木工程公司聯旺集團( 8217)主席,身家暴升超過十億。專心在娛圈發展的黃翠如自言對做生意零興趣,反而在 CNN旅遊網擔任旅遊記者的四妹黃曉芙( Maggie),卻遺傳老豆生意頭腦,去年十月在倫敦開檔賣雞蛋仔,在外地創飲食事業。

拜師學藝

黃翠如四妹黃曉芙的雞蛋小食檔叫「 lublublondon」,去年十月在倫敦的 Brick Lane跳蚤市場正式營業。未有心水開檔地點前,她先後到過各大小倫敦跳蚤市場擺檔做調查,最後決定在 Brick Lane落腳,每逢星期三,又會跟另一咖啡檔玩 crossover,有得食有得飲,好有生意頭腦。

據了解,決定賣雞蛋仔的黃曉芙,去年六月先在香港拜師學做炭燒雞蛋仔,學滿師,她便拎住師傅送的兩個雞蛋仔鐵板飛往英國創業,九月開始申請,十月就正式擺檔。

黃家幾個女兒不靠父蔭,四妹更靠自己創業,去年中她身在外地,未能出席爸爸黃永華(右一)公司上市的大日子。。

在港學滿師,便帶住師傅送贈的工具飛去英國開業。

黃曉芙曾在英國旺區跳蚤市場 Portrobello及 Camden開檔,最後選在 Brick Lane落腳。

黃翠如會幫四妹賣廣告。

黃翠如一直想到英國為創業的四妹打氣,可惜至今都請唔到假。

專心發展雞蛋仔事業的四妹,自居為雞蛋仔藝術師,連禮盒包裝都靚過人。

曾擔心創業失敗的黃曉芙,在 ig寫下爸爸的勉勵。

加賣雲吞

深明做生意要增值的黃曉芙,除了賣雞蛋仔,檔口還出售港式蝦肉雲吞,一碗賣四鎊,近日又鑽研中式叉燒包。

「 Maggie因為睇到有一間喺倫敦專賣雞蛋仔鋪頭做得幾成功,佢哋幾姊妹自細整嘢食又有天分,加上佢本身鍾意倫敦,覺得可以試吓,好似 Alexander McQueen(時裝設計師),都係由跳蚤市場開始做到今時今日咁犀利。開始有計劃搞生意,佢已經同 CNN申請轉做 freelance記者,唔想咁困身。雖然老豆有錢,但始終未做過生意, Maggie都有壓力,都未開檔,佢已經問老豆如果失敗點算,但老豆一味鼓勵佢,話只要有行動就叫成功。」身邊人透露。

將香港地道小吃帶入英國街頭,黃曉芙明白食物要多元化,最初只賣雞蛋仔,未幾再加售蝦肉雲吞,價錢一律四鎊(約港幣五十元),連包雲吞都由她一手包辦。

「 Maggie賣時會加大量 cream同生果,好似士多啤梨同藍莓,好似 waffle咁啱番外國人口味。雞蛋仔有埋送禮包裝,好 cute,女仔見到一定會鍾意。」知情者說。

翠如幫手宣傳

姊妹情深,今年初,忙於開工的黃翠如本想飛當地為四妹打氣,不過只得三日假期的她,最後打消念頭留港休息,不過她也有 po食雞蛋仔相,幫手宣傳這款傳統地道美食。

「全家人都好支持 Maggie,佢都爭氣,做咗半年,已經賺到喺倫敦基本生活費,最近佢又有新諗頭,開始睇食譜學整叉燒包,遲啲應該會喺 lublublondon有得買。」知情者說。

早前有傳黃翠如與男友蕭正楠雙雙八月請假,計劃秘密外遊結婚,唔知會唔會揀英國,順道探四妹呢?

在 CNN任職旅遊記者的黃曉芙,為創業已轉做 freelance記者。

一門五傑

出身低下階層的翠如 BB,老豆由開檔賣魚、一家七口曾經住藍田木屋,到老豆生意愈做愈大,擁有超過十億身家。捱過苦的她是家中老二,近年事業亦十級跳,升呢成大台一姐。原來,她們五個姊妹都係叻女,事業上各有突出成績。

大家姐黃翠紅

黃翠紅當年跟天后容祖兒和王祖藍是小學同學,翠如自言「好黐」大家姐,小學時一度覺得容祖兒會搶走她,因而跟天后吵大鑊,小時負責照顧幾個妹妹的黃翠紅,現職是工程師。

三妹黃麗茵

畢業於中大藝術系的黃麗茵( Cam),曾於香港及澳洲悉尼舉辦個人藝術展,亦參與過中國、台灣及日本等地聯合展覽,其作品更被台北關渡美術館和澳門文化局睇中作永久收藏。興趣多多的 Cam前年又到西班牙學烹飪,修讀藍帶課程,回港參與亞洲首場《 Freeding Frenzy-音樂饗宴》。

四妹黃曉芙

任職 CNN網上旅遊記者的黃曉芙,性格活潑創意十足,去年在英國創業開檔賣雞蛋仔。

五妹黃曉琪

跟三家姐一樣畢業於中大藝術系的黃曉琪( Ellen),去年曾為票王立法會議員朱凱廸拍攝一條名為《狐狸先生,幾多點?》的選舉宣傳片,被網民指樣靚有仙氣。

撰文、攝影、攝錄:娛樂組


鍾意就快D Share啦!