2017年4月20日 星期四

慶祝《歌手》封后 恭碩良雨中環抱憶蓮 [壹週刊 - 1415] __,憶蓮,恭碩良,林憶蓮,M1,

恭碩良雙手環抱憶蓮,用個身幫女友擋風!娛樂偵訊慶祝《歌手》封后 恭碩良雨中環抱憶蓮上週六(四月十五日),林憶蓮以大熱姿態,在《歌手》第五季總決賽中奪冠 ...


恭碩良雙手環抱憶蓮,用個身幫女友擋風!

娛樂偵訊

慶祝《歌手》封后 恭碩良雨中環抱憶蓮

上週六(四月十五日),林憶蓮以大熱姿態,在《歌手》第五季總決賽中奪冠成為歌王,完成三個月緊張賽事,在公在私給憶蓮最大動力與支持,肯定是鼓手兼男友恭碩良,知道憶蓮緊張今次比賽,恭碩良就陪女友去睇戲減壓,其間更用雙手環抱憶蓮,用身體俾憶蓮最大鼓勵!

林憶蓮同恭碩良拍拖五年,恩愛程度有增無減。

憶蓮一早用自己信用咭訂咗飛。

爆谷同飲品,恭碩良都自己攞住,唔使女友操勞。

唔想女友等,恭碩良交飛俾憶蓮,叫佢入場先。

憶蓮就堅持同男友一齊入場。

成為歌王

自今年一月宣布出戰《歌手》第五季,已經有傳憶蓮是內定的冠軍人選,終於經過三個月過關斬將,上週六的總決賽,憶蓮搵來張惠妹做幫唱歌手,憑《也許明天》揮低眾參賽者成為歌王。

一直陪住憶蓮飛往湖南出賽的恭碩良,呢晚就拖實憶蓮到達數碼港戲院睇戲,原來憶蓮一早已用信用咭訂好飛,一到戲院便一支箭去攞飛,恭碩良就去排隊買爆谷,兩個人分工合作,非常合拍。

《歌手》總決賽,憶蓮找來張惠妹對唱,成功奪冠。

恭碩良陪住出戰,每一集都負責幫憶蓮打鼓。

拖實排隊

攞完飛憶蓮去會合男友,雖然已經拍拖五年,但兩人依然勁恩愛,全程十指緊扣拖到實,由於買嘢食排晒長龍,兩人排了一輪條龍都無乜點郁,套戲又已經開場,恭碩良緊張到不時睇錶,又交張飛俾女友着她入場先!

不過,憶蓮唔捨得掉低男友自己排隊,最後決定放棄,一齊入場,不過中途恭碩良就一個人出來買爆谷氹女友。

散場時已接近凌晨,離開戲院落住毛毛雨兼且勁大風,恭碩良即化身成猛男護花,將女友攬入懷中,更一度雙手環抱憶蓮,變連體嬰行去攞車。

外表 man爆的恭碩良,雖然比憶蓮年輕十一年,但對女友呵護備至,令憶蓮變成小女人。

「阿 Jun父母一早離婚,令佢對婚姻無信心,阿 Jun已經表態唔會結婚,雖然係咁佢好識氹憶蓮,成日叫女友 My Girl、 My Sun,俾憶蓮有初戀感覺,佢兩個真係相處得好開心!」知情者說。

呢日恭碩良單拖幫憶蓮放狗。

恭碩良同憶蓮個女喜兒一樣咁 friend,不時三人行。

齋愛音樂才子

入行 32年的林憶蓮,感情生活豐富,但正式承認的男友只有四個,全部都是音樂人。

陳輝虹

84年於商台當 DJ,與林憶蓮撻着,半年後二人火速分手,二十年後失婚的憶蓮與陳輝虹愛火重燃,在男方穿針引線下,憶蓮簽約金牌唱片,推出廣東及國語唱片,可惜戀情只維持短短兩年。

許愿

87年搭上唱片監製兼形象顧問許愿,當年林憶蓮指定要男友監製專輯《野花》外,二人更合資搞製作公司星工廠, 91年宣布分手。

李宗盛

92年與台灣有婦之夫音樂人李宗盛合唱《當愛已成往事》火速撻着,拍拖期間憶蓮將大部分歌曲的填詞、作曲及製作都交由李宗盛包辦。 98年,林憶蓮宣布奉女成婚,二人於加拿大拉埋天窗,並誕下女兒李喜兒, 04年,宣布結束六年情。

撰文:娛樂組

攝影:陳亦龍、楊紫、瀚鍾


鍾意就快D Share啦!
Related Posts Plugin for WordPress, Blogger...