掃呢頁CODE去手機

2017年4月11日 星期二

【劉鑾雄講大劉(16)】飲水思源難 大劉:有需要嘅時候幫一幫,扶一扶 __,劉鑾雄講大劉,劉鑾雄,大劉,

大劉96年開始成立慈善基金(劉鑾雄基金),又以母親劉葉淑婉之名,開了有一家名為「劉葉淑婉紀念慈善基金有限公司」,名下有自修中心,幫助窮困學生,位於石硤 ...


大劉96年開始成立慈善基金(劉鑾雄基金),又以母親劉葉淑婉之名,開了有一家名為「劉葉淑婉紀念慈善基金有限公司」,名下有自修中心,幫助窮困學生,位於石硤尾。「石硤尾對我其實我都有啲感情,因為我爸爸六十幾年前開過米舖,後尾冇做,租咗俾人開茶餐廳。我十一、二歲已經去嗰度收租。嗰區真係比較貧窮啲,同埋多潮州人。」除了提供自修室,慈善基金還會舉行很多活動,如補習英文、興趣班等等。劉鑾雄基金成立至今,所捐款項已逾30億,他說:「以有錢佬嚟講係好細數,喺我嚟講係好大數。同埋我哋捐嘅錢,係有感而發去捐。」至於受助對象,大劉說:「好多單親家庭都好慘,佢哋好慘,最慘係你拎綜援都冇用,你得嗰七、八千蚊、八九千蚊或者一萬蚊,都唔夠用。一個大人,幾個細路,我哋幫好多呢啲。」有時大劉睇新聞,見到一些個案,亦會主動幫手,例子不贅。「日日都有做,成個家庭咁樣幫。有啲人真係好慘,雖然我冇親自落去探佢哋,但同事會去家訪,影相俾番我睇,真係好可憐。」講到最印象最深,大劉表示:「有啲好慘㗎,佢哋同我講,要搭個幾鐘頭車先出到去政府啲公共圖書館用到電腦,我哋即刻買部電腦俾佢用;冇錢上網,我哋又俾錢佢上網。啲細路哥,唔用電腦,用珠算呀?」「我成日同依家嘅太太講,我寧願自己慳啲使,幫得幾多就盡量幫。」大劉講到明幫得就幫,所謂「授人以魚,不如授之以漁」,有見及此,大劉亦有以獎學金方式為有需要之群眾提供幫助:「我哋希望可以,慢慢幫,由小學幾年班,幫到讀緊中學、大學,我哋都幫緊,希望佢哋大學畢業,可以脫貧、自力更生。」「好多香港啲學生,冇錢去外國讀書,去英國澳洲,我亦都有資助佢哋幾年學費,直至佢哋畢業。有啲可能唔夠錢買電腦,我都有資助。但係好多人得到人嘅幫助之後就冇咗下文,冇任何回饋。我見得好多。有個單親媽咪,喺政府做清潔女工,洗公廁,含辛茹苦,養大個咗個女,送個女去英國讀精算。結果個女去到嗰邊,嫁咗個印度人,移民咗去印度,連阿媽都唔理,你睇到都好傷感。但有咩辦法?人性就係咁,有幾多人識感恩?有幾多人飲水思源?但我哋幫得都盡量幫,但有時好難講,能力始終有限,唔可以做到啲乜嘢,但係見到有需要嘅時候咪幫一幫,扶一扶,係咁多。」統籌、採訪:陳月媚

攝影:陳俊強

攝錄:NEO、馮嘉銘、吉吉【劉鑾雄講大劉(1)】

獨家 千億富豪劉鑾雄 24歲問家傭借錢入院割膽

http://bit.ly/2ngVqNq【劉鑾雄講大劉(2)】

走過三輪水貨 「風扇劉」血淚史:唔夠半年已經冇錢出糧

http://bit.ly/2obalOj【劉鑾雄講大劉(3)】

遭猶太人出賣 大劉:我係廢柴中嘅廢柴,懵炳中嘅懵炳!

http://bit.ly/2mPTGzh【劉鑾雄講大劉(4)】家道中落 老父開廠俾人呃晒 大劉10歲前冇床瞓

http://bit.ly/2nr56WG【劉鑾雄講大劉(5)】大劉親剖與父關係:初則口角,繼而動武

http://bit.ly/2on7WQC【劉鑾雄講大劉(6)】聘福臨門廚師為家廚 大劉狠批昔日飯堂:依家唔啱胃口!

http://bit.ly/2oLevsv【劉鑾雄講大劉(7)】保鑣變毛巾黨 大劉驚握手:啲男人小完便唔洗手!

http://bit.ly/2oBDr69【劉鑾雄講大劉(8)】渣甸山大業主帶鎚仔收樓:扑爛咗,再做過!

http://bit.ly/2nzVt76【劉鑾雄講大劉(9)】大劉鬧廢青:叫佢咪去旅行?仲慘過殺佢老竇老母!

http://bit.ly/2oBFA51【劉鑾雄講大劉(10)】出手太狠跌200億 大劉:我點會唔怕輸!

http://bit.ly/2p4k31h【劉鑾雄講大劉(11)】首開腔為供股集資解畫 大劉:每次狙擊都係被迫

http://bit.ly/2nSgPh2【劉鑾雄講大劉(12)】股民爭買窩輪牛熊證覺「抵賭」 大劉譏:啲人冇腦吖嘛!

http://bit.ly/2nL2CBy【劉鑾雄講大劉(13)】花逾200億收購珍藏 大劉終於遇上一生最愛

http://bit.ly/2nqQv1A【劉鑾雄講大劉(14)】日日同款藍色Polo恤 大劉一季置裝費幾百萬

http://bit.ly/2olNm2l【劉鑾雄講大劉(15)】換腎悟生死 大劉:搵多幾多,都唔會使得到㗎

http://bit.ly/2pkVXzz【話你知】同大劉有關係嘅名人、美女有幾多? 即睇「大劉人物關係圖」: http://bit.ly/JosephLau


來源 source: http://s.nextmedia.com
鍾意就快D Share啦!