2017年4月14日 星期五

【劉鑾雄講大劉(19)】大劉講分家:我大仔,或者甘比,從來冇提過要分身家 __,劉鑾雄講大劉,劉鑾雄,甘比,大劉,

「有一樣嘢,真係講真,我個大仔,或者甘比,從來冇喺我面前提要分身家,或者要攞啲乜攞啲物。係我自己諗下諗下,都覺得,應該點做先係對我最有利、或者係最理想 ...


「有一樣嘢,真係講真,我個大仔,或者甘比,從來冇喺我面前提要分身家,或者要攞啲乜攞啲物。係我自己諗下諗下,都覺得,應該點做先係對我最有利、或者係最理想嘅呢?佢哋冇提過,唔似得有啲,一早就虎視眈眈,你一瞓低一斷氣,兩腳伸直就嚟料。」【兩仔爺都係潮州怒漢】

大劉與長子劉鳴煒,外間覺得父子關係疏離,曾有報道形容兩人生活是如何南轅北轍,大劉出入坐Maybach,劉鳴煒就迫地鐵;甘比在有「貴族醫院」之稱的山頂明德醫院生B,劉鳴煒卻安排另一半在公立醫院生仔。有指是因為劉鳴煒從小跟母親寶詠琴生活,感情極好,與父關係較疏離。曾有傳劉鳴煒早年在英國留學,每次大劉都為他買定頭等機票,但劉鳴煒就改坐經濟位,更拒絕同住,至近年兩父子關係先改善番。大劉將華置股份轉讓予甘比(以子女監護人身份暫時托管)及劉鳴煒,身為長子兼華置未來接班人,劉鳴煒所分得的,比甘比兒子仲學還少。曾有傳媒問大劉何以如此?是否對劉鳴煒有意見?他稱:「當然唔係,好錫我個仔(劉鳴煒)唔想俾人利用我分配財產來挑撥離間。」其實大劉亦確是如此。又其實,劉鳴煒跟大劉,就好似一個「翻版」,兩人從小都是與母親關係最好,且大家都是炮仗頸(潮州怒漢);劉鳴煒叫人「去少啲日本」儲錢上車言論,大劉是絕對贊同,不過就囑他「唔好多多聲氣」,因為人類不喜歡聽真話。【佢4歲我就同佢講:唔好信人!】

「佢人嘅性格品行一流,唯一缺點係硬頸啲,我成日都有同佢講。」似足你一樣?「我同佢最唔同係,我比較好彩啲。我有試過遇到好低潮。我同佢一樣咁硬頸,但當你遇到低潮,你一定要馬死落地行,點硬頸都冇用。佢4歲嗰陣,我已經同佢講,第一記住唔好信人、第二都係記住唔好信人,第三都係記住唔好信人,我相信個仔都聽我講嘅!」「我哋遇過好淒慘嘅遭遇,所以都要由硬頸變成向現實低頭。佢afford得到唔向現實低頭,我哋afford唔到,當時。所以有時每個人際遇都唔同,你可以話佢好彩,亦可以話佢唔好彩。但你都可以話我好彩,我就係因為要捱先至捱到有今日。」【無悔為事業疏忽子女】

重提當年大劉做廠的日子,平均一晚睡三四小時,能睡上五六個鐘已是奢侈,第一餐飯晚上十一時才吃。瞓身為事業,忙得根本沒時間見家人,也少陪子女。「嗰時真係要博命,因為工廠訂單突然由24,000把變成24萬把風扇,工廠要24小時開工趕貨,當時因為擔心做唔切,我經常凌晨3、4點返公司幫手落貨,當時自己只得26歲,搬搬抬抬都仲捱得住。」後悔因為少陪家人致與劉鳴煒劉秀融關係疏離?大劉想也不想:「都冇得後悔㗎!為咗搵食都冇辦法。顧得掂啲仔女,可能過幾年就冇(機會),咁嗰陣時點呢?揸兜做乞兒呀?人嘅嘢邊個唔知阿媽係女人」【關於接班人問題……】

至於是否由劉鳴煒出任華置未來接班人,大劉就說:「唉,暫時,第一,我真係唔知道佢有冇興趣;第二,太多長遠計劃有時未必如你所願,所以有時……今日我都唔想講太多,即係有時……唔係你想點就點㗎。親生仔親生女都未必聽自己話啦,我當然希望佢有做生意興趣,可以接手我啲金融投資生意。」

統籌、採訪:陳月媚

攝影:陳俊強

攝錄:NEO、馮嘉銘、吉吉【劉鑾雄講大劉(1)】

獨家 千億富豪劉鑾雄 24歲問家傭借錢入院割膽

http://bit.ly/2ngVqNq【劉鑾雄講大劉(2)】

走過三輪水貨 「風扇劉」血淚史:唔夠半年已經冇錢出糧

http://bit.ly/2obalOj【劉鑾雄講大劉(3)】

遭猶太人出賣 大劉:我係廢柴中嘅廢柴,懵炳中嘅懵炳!

http://bit.ly/2mPTGzh【劉鑾雄講大劉(4)】家道中落 老父開廠俾人呃晒 大劉10歲前冇床瞓

http://bit.ly/2nr56WG【劉鑾雄講大劉(5)】大劉親剖與父關係:初則口角,繼而動武

http://bit.ly/2on7WQC【劉鑾雄講大劉(6)】聘福臨門廚師為家廚 大劉狠批昔日飯堂:依家唔啱胃口!

http://bit.ly/2oLevsv【劉鑾雄講大劉(7)】保鑣變毛巾黨 大劉驚握手:啲男人小完便唔洗手!

http://bit.ly/2oBDr69【劉鑾雄講大劉(8)】渣甸山大業主帶鎚仔收樓:扑爛咗,再做過!

http://bit.ly/2nzVt76【劉鑾雄講大劉(9)】大劉鬧廢青:叫佢咪去旅行?仲慘過殺佢老竇老母!

http://bit.ly/2oBFA51【劉鑾雄講大劉(10)】出手太狠跌200億 大劉:我點會唔怕輸!

http://bit.ly/2p4k31h【劉鑾雄講大劉(11)】首開腔為供股集資解畫 大劉:每次狙擊都係被迫

http://bit.ly/2nSgPh2【劉鑾雄講大劉(12)】股民爭買窩輪牛熊證覺「抵賭」 大劉譏:啲人冇腦吖嘛!

http://bit.ly/2nL2CBy【劉鑾雄講大劉(13)】花逾200億收購珍藏 大劉終於遇上一生最愛

http://bit.ly/2nqQv1A【劉鑾雄講大劉(14)】日日同款藍色Polo恤 大劉一季置裝費幾百萬

http://bit.ly/2olNm2l【劉鑾雄講大劉(15)】換腎悟生死 大劉:搵多幾多,都唔會使得到㗎

http://bit.ly/2pkVXzz【劉鑾雄講大劉(16)】飲水思源難 大劉:有需要嘅時候幫一幫,扶一扶

http://bit.ly/2p34RSE【劉鑾雄講大劉(17)】曾為愛情落錯注 大劉:嘥咗十幾廿年喺無謂女人身上

http://bit.ly/2osUA48【劉鑾雄講大劉(18)】大劉論盡摯友 彤叔亦師亦友 痛心羅兆輝染不良嗜好

http://bit.ly/2oaTfLU

劉鳴煒身為大劉長子兼華置未來接班人,大劉話佢唯一缺點係硬頸。
劉鳴煒與母親寶詠琴及妹妹劉秀融。 至於甘比,大劉就話佢從來冇喺大劉面前提要分身家。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...