掃呢頁CODE去手機

2017年4月17日 星期一

囝囝求婚騷掂咗!薛家燕升呢奶奶送2千萬豪宅 __,家燕,薛家燕,

石耀庭跪下向女友求婚,現場更放起煙花,氣氛十足!
囝囝求婚騷掂咗!薛家燕升呢奶奶送2千萬豪宅薛家燕的囝囝石耀庭前晚求婚成功,直擊過程的薛家燕自爆被感動得眼濕濕,快榮升奶奶的她更大手筆準備2千萬物業送給 ...


囝囝求婚騷掂咗!薛家燕升呢奶奶送2千萬豪宅

薛家燕的囝囝石耀庭前晚求婚成功,直擊過程的薛家燕自爆被感動得眼濕濕,快榮升奶奶的她更大手筆準備2千萬物業送給一對準新人安居樂業!圈中交遊廣闊的薛家燕,笑言最煩惱是要找能擺百圍的場地搞婚宴,除獲好友徐小鳳、青山、張帝等獻計外,眾人更提出免收歌酬為「世姪」婚禮表演,等於送上200萬禮金恭賀一對新人!

現年67歲的「好姨」薛家燕榮升奶奶,其30歲兒子石耀庭(Jackson)前晚在九龍灣國際展貿中心為女友Zoe炮製驚喜,將演唱會綵排改造成求婚騷,驚喜上台自彈自唱《愛很簡單》,又在一班跳舞學員伴舞下重現電影舞步,隨即舞台背景出現一句「Will You Marry Me?」成功感動女友首肯答應求婚,現場更放起煙花慶祝求婚成功!

「忍唔住喊咗出嚟」

Jackson有份做搞手的《世紀好歌金曲演唱會2》香港站昨晚在九展舉行,前晚在同一場地綵排,故他藉機會秘密安排「求婚騷」!即將做奶奶的薛家燕講起求婚過程勁興奮,她透露兒子籌備了兩個月,在囡囡石祐珊及石耀珠協助下送上驚喜求婚,薛家燕說:「呢個求婚籌備咗個幾兩個月,係我兩個女同一班工作人員安排,搞到好似個騷咁!我要多謝王梓軒,因為個仔求婚前同Zoe講今晚(前晚)係王梓軒Rehearsal,Zoe到場後見梓軒唱緊歌,以為係真,佢就問乜綵排都咁多人,我個仔就立即自彈自唱,跟住我啲工作人員就出嚟跳舞,背景就彈出Will You Marry Me。」

薛家燕又指求婚過程感人,搞到自己亦眼濕濕:「我個仔對Zoe講咗番話『遇到一個夢寐以求嘅好女仔,我哋互相支持、互相鼓勵!』我個仔差啲講到喊,我都忍唔住喊咗出嚟!真係好感動,係好難得嘅場面,Zoe然後Say Yes!」講起未來新抱仔Zoe,薛家燕讚不絕口,笑言畀足100分:「佢係心地善良嘅女仔,喺英國長大,真係好乖!」眼見二人將成家立室,身為媽咪的薛家燕相當大手筆,準備厚禮送上市值2千萬西半山單位,供二人組織家庭,快快造人抱孫:「我會將手上其中一個半山物業送畀佢哋,等佢哋安居樂業。」

自彈自唱
  • 自彈自唱
跳埋舞
  • 跳埋舞
感動到喊
  • 感動到喊

青山免歌酬做賀禮

不過,薛家燕坦言籌備婚禮需要時間,加上在圈中交遊廣闊,直言擺百圍亦未必夠,因此要與親朋及親家研究酒席問題:「我都唔知擺幾多圍,但好多親友要請,佢哋同我傾開,諗100圍唔知夠唔夠,同埋100圍酒席,唔係咁多地方可以擺到,所以要多啲時間安排同諗地方。(計劃緊日子?)未定,我有朋友個女今年11月結婚,佢哋去年4、5月籌備,用咗一年多時間。我依家先開始搞,仲要等埋未來親家喺英國返嚟,6、7月左右先可以一齊坐埋傾!」

適逢《世紀好歌金曲演唱會2》昨晚舉行,薛家燕與有份演出的圈中好友青山、張帝、森森、斑斑,以及做嘉賓的徐小鳳齊齊飯敍,一班前輩知道「世姪」求婚成功,都戥薛家燕開心。老友記更提議在同一場地舉行婚宴,並自薦做表演嘉賓,免收歌酬當給世姪做賀禮,等於送上達2百萬禮金!對此薛家燕當然開心,希望快快定好大日子,與好友分享喜悅!

見到一對準新人咀嘴,薛家燕不禁拍手叫好。
  • 見到一對準新人咀嘴,薛家燕不禁拍手叫好。
石耀庭向女友Zoe求婚成功,薛家燕終於榮升準奶奶!
  • 石耀庭向女友Zoe求婚成功,薛家燕終於榮升準奶奶!
一家五口<br>(左起)石耀珠、石耀庭、Zoe、薛家燕、石祐珊
  • 一家五口

    (左起)石耀珠、石耀庭、Zoe、薛家燕、石祐珊

文:影視組


鍾意就快D Share啦!