掃呢頁CODE去手機

2017年4月19日 星期三

【攞過2年綜援】王祖藍重提辛酸史! __,祖藍,王祖藍,

所以話唔好只係睇到人成功嗰一面。藝人王祖藍到西九香港理工大學專業進修學院與學生分享演藝圈發展經驗。王祖藍有今天的成績,當年亦受過不少磨練,在演藝求學時 ...


所以話唔好只係睇到人成功嗰一面。

藝人王祖藍到西九香港理工大學專業進修學院與學生分享演藝圈發展經驗。王祖藍有今天的成績,當年亦受過不少磨練,在演藝求學時遇上爸爸離世,除了要償還爸爸的醫藥費,又為親戚作信用卡擔保人而無奈地欠下數十萬債務,家境困難到要領取綜援過活,他說:「當年都攞咗兩年綜援,嗰陣爸爸唔喺度,仲讀緊書,直到入咗TVB幾個月,開始有穩定收入就唔使攞綜援。(兩餐都有問題?)係㗎,阿媽朝早要去樓下茶餐廳兼職,朋友經濟上都好幫手,不過都過咗去。(要節衣縮食還債?)每個月所賺嘅錢都攞晒去還債,嗰陣時冇積蓄,自己唔敢去旅行,驚畀人鬧點解有錢唔還債,嗰段時間捱咗兩三年,還晒債一身鬆晒,第一時間就去泰國旅行。(講起爸爸會唔會眼淺?)好難講,試過會,又試過唔會。」

擔任編劇大壓力

王祖藍講到演藝圈辛酸,他指最大壓力是當年以演員身份「空降」擔任編劇為劇集《老表,你好嘢!》寫劇本,他說:「當年都引起一陣哄動,當時都好大壓力,不過好彩有知音,好似梁乃鵬博士、梁家樹都好支持,令到我到今時今日都可以繼續寫劇本落去。」王祖藍又透露近期忙於為10月拍攝的電影及明年開拍的大型古裝劇寫劇本。


來源 source: http://hk.on.cc
鍾意就快D Share啦!