2017年4月15日 星期六

【39年恩怨】69歲汪明荃講與62歲趙雅芝不和:冇來往 __,汪明荃,趙雅芝,

汪明荃VS黃淑儀=不和?汪明荃VS趙雅芝=不和?汪明荃VS李司棋=不和?話說,70年代末,阿姐汪明荃、黃淑儀、趙雅芝及李司棋在無綫位列四大花旦,前三位 ...


汪明荃VS黃淑儀=不和?汪明荃VS趙雅芝=不和?汪明荃VS李司棋=不和?話說,70年代末,阿姐汪明荃、黃淑儀、趙雅芝及李司棋在無綫位列四大花旦,前三位仲合作拍咗個洗頭水廣告,成為經典。汪明荃於今日出版嘅周刊訪問中稱,41年前拍《書劍》不小心刺傷對手黃淑儀眼眉,當年傳聞指兩女為爭主角霍青桐一角而不和,阿姐澄清並無此事。那次意外,真係純屬意外。But,關於《書劍》,仲有好多是非。包括趙雅芝。1978年,阿姐同趙雅芝拍完《倚天屠龍記》,以及79年拍《楚留香》之後,就一直冇合作過。當時有傳係因為爭風頭啦爭做一姐啦咁,亦有傳係因為兩班fans互片,自此拒絕合作。直至前年王晶拉攏先至再合作拍《風雲天地》。雖然事隔多年,但有傳兩人仍然面左左。問趙雅芝關於「一姐之爭」傳聞,佢話:「嗰陣佢已經好有名,我仲係新人。」有弦外之音。而《風雲天地》期間,趙雅芝嘅鏡頭全部經過特別「美肌」處理,又Soft又朦朧,相對阿姐就依然高清,網民即指劇組偏心。事後阿姐話自己忠於媽咪角色,趙雅芝就承認接拍嗰陣傾過「拍攝效果」……雙方再次互片。阿姐在最新嘅周刊訪問中,再被問及與趙雅芝不和傳聞,阿姐亦有嗰句,講嗰句,講明同趙雅芝根本就唔熟,冇偈傾冇往來。至於當年拍《倚天》傳不和,阿姐也不含糊其辭,指佢同趙雅芝喺劇中都係爭張無忌,大家都太入戲喇咁。大家明白啦。阿姐又笑言自己㩒捱,一直老老實實留守香港,唔似得眾位有家庭又有小朋友,又要移民,又話大陸市場雖大,但就自認老喇唔想上去,咁啱趙雅芝喺大陸又好吃得開喎……咁……


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...