呢條橋有得諗喎！
藝人曾志偉、金燕玲（Elaine）、余文樂等於尖沙咀出席電影慶功宴。勇奪香港電影金像獎「最佳男、女配角」的志偉及Elaine齊齊受訪，志偉表示得獎特別高興，但可惜同片的余文樂失落影帝，問他會如何開解對方？志偉說：「條街（坊間）同大家鍾意部戲最緊要，獎只係錦上添花。部戲後勁好犀利，係城市話題，洗晒版。」心情大靚的他又笑言會埋單請客：「餐餐都係我埋單，今餐仲大餐啲！由舊年慶祝我獲提名到金馬奬，再到我贏錢同金像奬，邊有停過？（你好幸運？）施南生喺後台同我講我呢個奬最難攞，話我係人緣好。（你人緣好先攞獎？）我唔敢講，總之開心。同人緣唔關事嘅就係金燕玲，夠膽唔畀佢？我五點鐘打畀佢問佢着咩衫，佢竟然仲未瞓。」
Elaine就表示未知賽果時相當緊張，現在得獎就覺完成心願，夢想成真。問她可有更大目標？Elaine說：「冇諗，順其自然（拍攝嘅辛苦都覺得值得？）我唔辛苦，佢哋兩位辛苦得多。」
談到二人會否再合作以助余文樂攞獎？志偉開玩笑表示想將得獎電影拍成AV版：「拍部AV版，我同金燕玲呢對戲中夫妻都唔見面。（想拍床戲？）咪就係，樂仔同金燕玲有床上戲、出浴戲同擦身體戲！我同佢係夫妻就有名無份！」
來源 source: http://hk.on.cc
|
鍾意就快D Share啦！
|
|
|