掃呢頁CODE去手機

2017年4月19日 星期三

【係咪真嘅?】城城外父自認聽女婿啲歌大?兄弟團回應:… __,城城,郭富城,

星級排舞師SunnyWong今日同胡琳現身觀塘出席商廈樓盤活動,Sunny噚晚先為好友郭富城婚禮做兄弟,講到城城個婚宴,Sunny話:「好開心好感動, ...


星級排舞師Sunny Wong今日同胡琳現身觀塘出席商廈樓盤活動,Sunny噚晚先為好友郭富城婚禮做兄弟,講到城城個婚宴,Sunny話:「好開心好感動,見到阿王(城城)踏入人生另一個階段。」不過佢好快就落閘話:「我尊重主人家,所有關於噚晚婚宴嘅嘢我講到呢度為止。」對於噚日城城接新娘嘅片段流出,仲喺大陸網站瘋傳,Sunny話:「唔係我呀!不過呢啲嘢好難預料。」網上又流傳話城城外父喺婚禮上同城城講自細聽佢嘅歌,問Sunny有冇聽到?佢話:「我忙住做兄弟冇聽到,都係今日睇報紙先知。」佢仲話自己冇時間買禮物畀一對新人,淨係畀咗禮金。有傳城城就快做爸爸,問Sunny點解唔送BB用品俾佢哋?Sunny話:「咁快?我冇問喎。」至於城城同方媛(Moka)會唔會度蜜月或者返大陸再擺酒嘅問題,Sunny一概話唔知,仲話噚晚嘅婚宴已經結束告一段落,叫大家俾多啲空間城城夫婦。至於胡琳就話會同兩位朋友夾份買下其中一個商廈單位:「同兩個姊妹夾,應該係二百零萬,平均夾錢,投資或自用仲未決定。」又透露去年開始工作量大增,所以早前已經自置居所。「蘋果VR」AppApp store下載:https://goo.gl/0kW2cK

Google Play下載:https://goo.gl/4K7EHw

Moka與家人 Sunny噚晚做完兄弟團,今日又出席活動,仲好精神吓。 (攝影:陳慧安)
胡琳話最近同兩個朋友夾錢買商廈 Sunny今日凌晨先離開城城婚宴,但佢話尊重主人家,唔肯透露婚禮細節太多。(攝影:陳俊強)

來源 source: http://s.nextmedia.com
鍾意就快D Share啦!