掃呢頁CODE去手機

2017年4月25日 星期二

即場抄牌!方力申講明想「食」麥美恩 __,麥美恩,方力申,

方力申真識食!歌手方力申和麥美恩(Mayanne)出席活動,現場兩人鬥玩鬥食鬥跳舞,期間遊戲中小方連輸幾Round被罰飲了多杯啤酒及威士忌酒。小方笑說 ...


方力申真識食!

歌手方力申和麥美恩(Mayanne)出席活動,現場兩人鬥玩鬥食鬥跳舞,期間遊戲中小方連輸幾Round被罰飲了多杯啤酒及威士忌酒。小方笑說:「威士忌溝啤等如一杯深水炸彈。」幾杯落肚的小方明顯表現Hyper,問到可有醉意?小方自封酒量不錯:「我飲得嘅,飲完都好Gentleman,唔會扮花,唔會講英文,唔會喊,好醉嘅時候就會瞓覺,或者會好多嘢講,都正常,好開心咁囉!」他稱男人要有三樣,酒品,賭品,孝順,他就有齊。

同陳瀅係流嘅

講到玩遊戲時叫其他女仔不要埋身,是否怕最新緋聞女友陳瀅嬲?小方即言:「錯!錯!我都唔係好明,我呢一年入面所傳嘅緋聞係超過一隻手都數唔晒,個個朋友都話我好犀利,有咁多女朋友,講到我好花心,其實過去十年呢我都咁專一。(因終於大解放?) 你當我之前坐監咩,之前10年我好充實好開心架。(咁同陳瀅堅定流?)梗係流。(人哋唔好咩?)呢啲冇得解,總之唔係啦。(想慢慢揀?)千其唔好咁講,係以事業為重,可能以前有拖拍,出街同邊個一齊冇咁敏感,依家單身大家就好敏感,我想講,我係一個好專一男仔。」大家提議他「翻追」鄧麗欣?小方避而不答只謂:「女仔唔想有咁多緋聞,我都有我形象,我都唔想有咁多緋聞。」

麥美恩要換走許文軒

而身旁Mayanne即抵死說:「我唔介意喎!」大家笑她有緋聞男友許文軒?她要求說:「換第二個啦,仲係佢。」小方笑言大家交換電話,Mayanne亦很配合:「好呀,出嚟飲嘢,大家鬥Dry。」小方又回句:「出嚟飲嘢要濕啲好,我都鍾意交朋友。」Mayanne大讚小方玩遊戲得照顧她,看着她玩,小方就語帶雙關笑言:「睇住你嚟食!」Mayanne即回句:「無任歡迎。」


來源 source: http://hk.on.cc
鍾意就快D Share啦!