網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年4月10日 星期一

娛刺撈飯:鄭俊弘偷食唔抹嘴!雁詩轉韻詩攣都拗得番 __,鄭俊弘,

當自己係韋小寶定007先?有食唔食,罪大惡極,係唔少「為食」男士嘅偷食心態!我Nuts哥絕對唔鼓吹大家去偷食,只係如果閣下本住食得唔好嘥嘅宗旨,當愛情 ...


當自己係韋小寶定007先?

有食唔食,罪大惡極,係唔少「為食」男士嘅偷食心態!我Nuts哥絕對唔鼓吹大家去偷食,只係如果閣下本住食得唔好嘥嘅宗旨,當愛情尤如競食大賽食好西,唔滾唔知身體好嘅話,真係唔緊要,但請自問係咪時運高兼啃得落先?鄭俊弘(Fred)被踢爆背住富貴未婚妻搭上何雁詩,女嘅被話係搶人未婚夫嘅小三,Fred就被冠名為賤男,查實要講賤男,喺呢半世紀出產嘅賤男,多到貨櫃車都質唔晒,Fred呢啲唔單止上唔到車,掹車邊都未必得

畀人翻舊帳逐樣數

愛情嘅嘢,從來冇話對與錯,男未娶女未嫁,一日未結婚,都可以有權選擇,衰在Fred識溝唔識做,唔識得好好去處理。想換畫,唔該都花下工夫去擺平吖,成日貪方便食咗先算,唔諗吓有咩後着應付,梗係自然引爆,激到正印嚟一招玉石俱焚爆大鑊,外遊坐頭等冇畀番錢又講,隻求婚戒指值幾千蚊又數!Fred話過往為保護未婚妻而低調,轉頭就拖實何雁詩認愛,初時仲吹水話因為驚對方跣親而拖實,你跣我就真話晒前度跟咗你三年,啖氣點吞得落,實行盡爆心中情,等你乖仔變衰仔囉!

睇往績,Fred嘅情史同緋聞真係水蛇春咁長,阿Fred變阿「Flirt」,成日都係定力唔夠衰「為食」,好似玩接龍咁女友一個接一個!想做愛情「大胃王」,都要高招先至食得招積,住得舒適!阿「Flirt」簡直係失敗嘅偷食個案,識食又唔識執手尾,留低大籮證據,眼高手低!想做「大胃」密探凌凌柒,食得安全又小心,好心得閒睇吓鐵金剛占士邦007惡補吓占士邦食女無數,你估淨係講句:「My name is Bond」就掂咩?佢大把貨咪一樣要玩花臣氹女,當條條女係Only One唔在講,最緊要杯事前Dry Martini,慢條斯理咁調吓情,唔係為搞嘢而搞嘢,每次都要做到True Love。西洋技術你學唔到,咪學吓淨係靠把口都有七個老婆嘅韋小寶囉!

掩飾都懶真失敗

所謂偷食行遠啲,相反Fred行多幾步都懶,去何雁詩大埔香閨都算,衰在嘈到鄰居都頂唔順投訴,失敗!完事再Call Uber返屋企攬住未婚妻瞓到大天光,以為咁就冇事?Uber張單一出,有名有姓幾點去邊,冇得抵賴,失敗之中嘅失敗!就連手機個Phone List,都寫明係何雁詩個名,打出打入紀錄全部都係佢個名。大佬!畀着我係Fred個未婚妻火都嚟小小蠱惑嘢都唔願做,擺到明話我知你去偷食啫,畀番小小薄面都好啩?Phone List將「何雁詩」改做唱片老闆「何哲圖」又或者索性改做「何韻詩」,有咩事上嚟,真係可以畀你攣都拗番直Uber等於打卡,香港咁多的士,打上的士台都會叫到車啩!

話時話,好多人都話Fred今次一鋪清袋,錢途危危乎,當然如果佢深明「早認早享受」嘅道理,早啲認唔好驚青收埋,唔會畀人媽到去秀茂坪愛一個上一課,今次Fred應該都學精咗,近排有話一身蟻嘅佢,七月紅館個唱分分鐘嗌停,所謂有危就有機,若然騷照開,邊度跌低就邊度起番身,順勢搵埋Uber贊助,有得諗喎!又或者為佢同何雁詩度身訂造拍番齣《我瞞拍拖了》,都應該有收視啩!


來源 source: http://hk.on.cc
鍾意就快D Share啦!