2017年4月20日 星期四

【聲沙消瘦】華仔坐輪椅「現身」首映:希望可以精精神神咁見大家 __,華仔,劉德華,

電影《拆彈專家》今晚喺九展EMax舉行首映,黑仔姜皓文、吳卓羲、BabyJohn蔡瀚億、廖啟智、石修、黃日華、張繼聰等人均有出席。戲中主角劉德華雖然未 ...


電影《拆彈專家》今晚喺九展EMax舉行首映,黑仔姜皓文、吳卓羲、BabyJohn蔡瀚億、廖啟智、石修、黃日華、張繼聰等人均有出席。戲中主角劉德華雖然未有現身,不過首映開始前就播佢嘅錄音話:「大家好,我係爆炸品處理課嘅高級督察章在山,我今日有突發事在身,嚟唔到現場,但係我有我哋嘅No.2同一班手足,喺到同大家解除危機。」播完華仔嘅錄音後,現場播出一條片段,片中華仔精神奕奕,斯文Look坐住輪椅向大家打招呼。華仔話:「多謝大家配合,現場危機已經解除喇。」華仔又以帶點沙啞嘅聲線話:「宣傳唔係你話想宣傳就得嘅,要上天批准㗎,所以個天就要我休息一輪,希望我可以再精精神神咁見到大家。」華仔仲有感謝《拆》戲中一眾藝人好友,以及台前幕後工作人員,華仔話:「佢哋未來會代替我『用生命保護生命』,去到世界各地宣傳。」然後承諾導演:「我會好快就跑跑跳跳,談談笑笑又出現㗎喇。」吳卓羲接受訪問時話,自己想快啲拍拖,Dry咗好耐,仲要成個宅男咁,好少出街。就算有人想介紹女仔佢識,佢都忙就去唔到。對於華仔早前貼相企起身同大家打氣,吳卓羲就話:「華哥真係好好,永遠都係報喜不報憂,作為fans見到華哥咁有啲心痛,希望佢快啲好番。」同場嘅黑仔睇完華仔條片後,覺得好感動,好鼓舞,佢話:「好開心見到佢企得番起身,仲係咁靚仔,果然係『華神』!希望佢快啲好番。」對於早前失落金像獎男配角佢就話:「一啲都冇失望,本身都係tip志偉。其實好似追女仔咁,都係第一次邂逅啫,要同佢拍幾年拖先至帶佢(獎項)返屋企。」黑仔又話自己同志偉相識多年,大家都係咁講嘢;而且志偉一直都鼓勵自己,之前春茗仲幫更為佢拉票,唔係傳聞所講咁樣。對於網民一面倒佢,黑仔就話:「好感動,大家都係緊張我啫,但係唔需要咁激。」佢仲講笑話希望將來同志偉合作,拍套戲叫《1比26》。

噚日華博貼出華仔撐住拐杖企起身嘅相。(網上圖片) 今日華仔拍片支持《拆彈專家》首映。
吳卓羲話希望華仔早日康復。(攝影:沈健程) 黑仔姜皓文大讚華仔係「華神」。
廖啟智 黃日華、石修 駱應鈞、BabyJohn、張繼聰

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...