掃呢頁CODE去手機

2017年4月3日 星期一

黃霑搞婚外情致家庭破裂 黃宇詩不怨恨反做小三 __,黃霑,黃宇詩,小三,

黃宇詩呢位筍盤男友Peter,四十幾歲已經係公司董事,而且外型黑黑實實,係幾吸引架,但可惜黃宇詩識男方嗰陣,人哋已經係有三個小朋友嘅人夫呢。不過令人估 ...


黃宇詩呢位筍盤男友Peter,四十幾歲已經係公司董事,而且外型黑黑實實,係幾吸引架,但可惜黃宇詩識男方嗰陣,人哋已經係有三個小朋友嘅人夫呢。不過令人估唔到嘅係,黃宇詩嘅爸爸黃霑,當年因為同林燕妮搞婚外情,激到媽媽華娃要離婚,喺咁嘅情況之下出世嘅黃宇詩,不但無怨恨小三,反而加入小三行列, 同人夫Peter行埋。

據知佢哋喺2011年修讀課程時認識,雖然當初戀情曝光時,黃宇詩堅稱男方搞好離婚後,佢哋先喺埋一齊,但實情係黃宇詩早就知Peter有老婆仔女,但都甘願做小三, 仲話自己好忍得,可以慢慢等。 之後黃宇詩一度向外宣稱要同Peter斬纜,唔想拆散人哋頭家,明顯係想擺脫小三之名,不過都係得個講字。 直到喺傳媒報導之下,與其被以訛傳訛,黃宇詩索性喺Instagram公開戀情,上載二人合照兼留言話:「要不是他已單身,我是不會跟他一起。」

直至到而家,男方究竟係堅單身定點,真係當時人先知,話晒男方呢日同黃宇詩揸出去拍拖嘅車,仲係用緊唔知叫前妻好定老婆好嘅名去登記。


來源 source: http://s.nextmedia.com
鍾意就快D Share啦!