2017年4月18日 星期二

愛的呼喚!方媛成功征服郭富城 __,方媛,郭富城,

方媛成功征服天王城城喇~誰人用魅力?誰人用誘惑魅力?誰人綁實城城大大力?當然係現年29歲嘅上海模特兒方媛!51歲嘅天王郭富城征戰情場多年,最後被方媛正 ...


方媛成功征服天王城城喇~

誰人用魅力?誰人用誘惑魅力?誰人綁實城城大大力?當然係現年29歲嘅上海模特兒方媛!51歲嘅天王郭富城征戰情場多年,最後被方媛正式收服,登基成為天王嫂,整個收「城」期都唔駛兩年!

愛的呼喚

向來拍拖密冚嘅城城,為咗方媛破天荒公開戀情!2015年11月底,城城親自出動戰車法拉利,接載要離港嘅方媛去機場,行蹤曝光後,在同年12月1日城城在微博上載一張在車廂中十指緊扣的照片,並寫下:「這樣開車要慢一點。」仲hashtag埋方媛個名,正式公告方媛為新一任城嫂,呢段「愛的呼喚」,全城嘩然!方媛都冧爆回應:「嗯!慢慢開!」放閃放得過癮,隔幾日即12月4日,城城上載同方媛甜蜜撐枱腳嘅合照並留言:「這樣吃飯要慢一點.........嗎?」之後城城同方媛不時在微博互讚傳情!

狂野之城

來吧!來吧!來吧!狂熱地野!同方媛愛到發燒又狂野嘅城城,激罕公開講戀情!2015年12月3日城城首次公開講呢段情時,對於同方媛年紀相差超過廿年,佢話:「同一個人相處唔在乎年齡,係在乎心靈同興趣,發掘大家共同思想,年齡唔係問題,況且我都唔似,衰鬼!」至於舊愛熊黛林網晒鞋照作反撃,城城更話:「我希望所有人都幸褔,生活唔係戰場!唔需要一較高下!」

失憶諒解備忘錄

女友身份被公開後,方媛不斷被起底翻舊史,同時流傳唔少負面消息,包括有聲稱為方媛所拍嘅不雅視頻!方媛即刻喺微博出聲明大反擊,否認所有傳聞外,又以「郭先生」嚟稱呼城城,澄清自己係完全單身情況下同「郭先生相處」,又感激對方嘅支持信任同愛護。見女友「中槍」嘅城城公開呼籲停止惡意中傷,又話:「每個人都有過去,唔能夠數人!」仲唔係請體恤見諒請大家都備忘?

個個讚你乖

2016年9月城城在紅館開十五場演唱會,方媛睇足八場,期間城城更對住方媛獻唱《永遠愛不完》外,更話自覺年紀唔細想成家立室,之後更以「善解人意」同「好乖」嚟大讚方媛!同年11月城城親自黑色林寶堅尼送方媛到養和醫院,當時解釋方媛係「食錯嘢」而唔舒服,但同時引起有孕揣測,加上城城一轉以往口風,不時放話想組織家庭,仲話:「Plan緊開枝散葉!」方媛有孕之說更不逕而走!

妳是我的一切

今年3月東網率先披露城城四月結婚的消息,當時城城經理小美未有否認婚訊,指城城在今年年初已表態會規劃人生大事,更話城城有機會今年內結婚。之後城城同方媛嘅擬結婚通知書曝光,城城正式封盤!真係歌都有得唱:「妳是妳是我的一切,從此也不放手,從此也不再憂,唯獨妳叫我認真,誰能代替!」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...