2017年4月21日 星期五

【獨家】月底生得 陀巨肚吳若希同男友迫搭叮叮 __,吳若希,

吳若希臨盆在即,小公主今個月底生得,即使肚大如籮,吳若希都照陪澳門闊少男友何兆鴻(Alex)搭叮叮遊香港,俾《蘋果》讀者羅小姐透過「爆相爆片」分享,羅 ...


吳若希臨盆在即,小公主今個月底生得,即使肚大如籮,吳若希都照陪澳門闊少男友何兆鴻(Alex)搭叮叮遊香港,俾《蘋果》讀者羅小姐透過「爆相爆片」分享,羅小姐喺電話表示:「禮拜三(19日)傍晚大約6點半,我喺金鐘上車,已經見到佢同男友坐喺度,架電車係去筲箕灣,吳若希幾乎全程都係耷低頭撳手機。」從讀者提供相片所見,吳若希用嘅係名牌Chanel斜孭袋,但都遮唔到佢就快生得嘅巨肚,戴咗口罩嘅佢仲頭髮披面睇唔到樣,而Alex嘅左手攞住部相機似遊客,似乎係吳若希帶澳門長大嘅男友玩地道遊,難得佢頂住咁大個肚都陪闊少男友遊電車河,玩下平民拍拖樂。只見Alex雖然坐喺度,但都用右手緊緊握實扶手柱,唔通佢係第一次搭叮叮,擔心叮叮會開得飛快?羅小姐仲話:「見到佢男友周圍望,好似唔係好清楚地方,我聽到吳若希同佢講:『灣仔』,之後又好嗲咁同男友講:『哦,好吖!』因為架車好多人都幾迫,唔見佢哋有乜親密行為,都有啲人眼望望,但吳若希就冇望人,全程低頭撳電話。」啱啱拍拖,吳若希就同男友坐港航經濟位去泰國,如今二人又搭叮叮玩吓貼地遊,睇嚟遊埋呢轉,吳若希都要執定走佬袋待產囉!懷胎9個半月,準備分娩嘅吳若希,不時喺社交網同男友晒恩愛,早前更貼出大肚寫真,Alex擁實半裸嘅吳若希又錫又攬,留言:「無論你變得幾肥美,我都會一樣咁錫妳~~」真係閃死人。嚟緊7月,生完冇耐嘅吳若希,有報道仲話會擸埋變咗雪條嘅鄭俊弘嘅紅館檔期,唞咗1年嘅佢終於復出,怕就怕唔夠時間綵排啫!(新聞連結:http://bit.ly/2oYdcK2 )

(相片由讀者提供) 禮拜三(19日),陀住巨肚嘅吳若希同Alex俾讀者見到迫搭叮叮。(相片由讀者提供) 今個月生得嘅吳若希,(相片由讀者提供)
之前同男友半裸拍寫真。(吳若希Ig圖片) 晒圓圓巨肚。(吳若希Ig圖片) 上年7月同男友飛泰國蜜遊。(資料圖片)
孖住坐經濟倉。(資料圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...