掃呢頁CODE去手機

2017年4月4日 星期二

【又係蕉...】霆鋒謝賢吔住蕉講百厭史 __,霆鋒,謝賢,謝霆鋒,

四哥講起自己嘅百厭史好興奮。謝霆鋒最近因為喺《十二道鋒味》嘅揈蕉片段而成為網民熱話,之後霆鋒同爸爸謝賢一齊冒住大風雪拍片拆解呢個揈蕉絕技原來係嚟自四哥 ...


四哥講起自己嘅百厭史好興奮。

謝霆鋒最近因為喺《十二道鋒味》嘅揈蕉片段而成為網民熱話,之後霆鋒同爸爸謝賢一齊冒住大風雪拍片拆解呢個揈蕉絕技原來係嚟自四哥,呢晚霆鋒又有新片喎,仲一樣係攞住條蕉,不過今次唔再係拆解絕「蕉」,而係兩父子鬥百厭喎,條片仲標籤住:「#老豆(竇)百厭屎 #以下節目部分內容涉及危險動作切勿模仿敬請家長留意 #兩仔爺食蕉之旅」!

片段一開始,霆鋒同四哥一齊冒雪食住條蕉,霆鋒仲笑晒口問四哥:「你話我百厭定你百厭呀?」呢個時候,四哥就好得戚咁答:「梗係我百厭」仲問霆鋒試過吊喺窗口未,搞到霆鋒都忍唔住問老竇點解會喺窗外面,於是四哥回憶番細個時,屋企有四層高,有一日玩捉兵賊,自己喺四樓踩住個篷,結果吊喺窗外,霆鋒聽到老竇咁百厭,都笑到擰轉身,四哥即愈講愈起勁,仲話畀鄰居見到後大嗌救命,之後畀媽咪打到籮柚爛晒,講到呢度兩父子都笑到哈哈聲。

最後霆鋒甘拜下風,仲話:「我曳?冇你一半。」四哥笑晒口話:「你初入行,啲人話你曳,未到我十分一呀!」呢兩父子真係大細路,希望下次四哥爆埋霆鋒細個嘅「百厭屎」


來源 source: http://hk.on.cc
鍾意就快D Share啦!