掃呢頁CODE去手機

2017年4月13日 星期四

一部頂你廿六部惹誤會!志偉願道歉 __,志偉,曾志偉,

志偉話金像獎嗰晚言論係冇心之失!藝員曾志偉於尖沙咀出席慈善晚宴,問到目標籌多少錢?志偉說:「每年都係4、500萬,一向都好穩定,都係生日前一日搞,好多 ...


志偉話金像獎嗰晚言論係冇心之失!

藝員曾志偉於尖沙咀出席慈善晚宴,問到目標籌多少錢?志偉說:「每年都係4、500萬,一向都好穩定,都係生日前一日搞,好多朋友都習慣咗,如果想做善事或想幫吓佛寺,都會打嚟問『係咪同一日呀?』唔同嘅都係揀幫嘅寺廟、有啲由平地開始起、有啲就重修,間間都唔同,最重要意義係同朋友結緣,畀機會大家做善事。」

冇諗貶低任何人

明天(4月14日)生日的志偉,問如何慶祝?他說:「同黃杏秀一齊做生日,今年係我搵佢嘅,上次中馬之後都冇機會請人食飯,我哋好多共同朋友,就同佢提議今年等我搞。(譚詠麟話唔得閒嚟食?)佢一做人情就避,叫佢唔好避呀!」志偉早前在金像獎奪「最佳男配角」,但台上對姜皓文的一番話「我一部頂你廿六部」引起風波,杜汶澤更在社交網站發文轟志偉,他澄清指:「我原本係想鼓勵黑仔(姜皓文),想話後面就係你(拎獎),點知衝口而出,呢個唔係我原意,上去之前我都有叫黑仔加油,後面就係你,如果金像獎今年原意係想幫後生,我哋四個老嘢都唔夠黑仔嚟!你問我想唔想(拎獎)?我梗係想拎獎啦,但我唔會因為想拎就去貶低人,如果呢句話衝出口而令佢哋誤會,我係要向佢道歉,但絕對唔係呢個意思。(嬲阿澤?)唔會,嬲佢做咩?(即使佢話你最冇資格拎?)評審有大家嘅眼光,有人投我亦有人投其他人,加上其他對手咁強,有人會投畀智叔、會投畀達叔,唔會個個都鍾意我拎,一啲都唔會介意。」


來源 source: http://hk.on.cc
鍾意就快D Share啦!