掃呢頁CODE去手機

2017年4月17日 星期一

【《失眠》有幾癲?】爛面.強姦.全身傷 衛詩雅:驚咗林家棟 __,衛詩雅,詩雅,林家棟,

邱禮濤導演同黃秋生相隔20年再度合作嘅血腥極品《失眠》,挑戰《八仙飯店之人肉叉燒包》及《伊波拉病毒》大膽尺度,今個月喺香港國際電影節將會上映一刀不剪血 ...


邱禮濤導演同黃秋生相隔20年再度合作嘅血腥極品《失眠》,挑戰《八仙飯店之人肉叉燒包》及《伊波拉病毒》大膽尺度,今個月喺香港國際電影節將會上映一刀不剪血淋淋版本。衛詩雅戲中演雙胞胎角色,要化個恐怖肉酸嘅爛面妝,仲有俾林家棟強姦嘅場口;由於逼真得滯,搞到周身傷痕。詩雅日前接受訪問,為《失眠》花咗3、4個月時間做資料搜集:「因為部戲係40年代做背景,嗰時日治時期,一人要演兩個角色,係孖生姊妹;其中一個角色係做慰安婦,拍之前用咗大部份時間去了解嗰個年代,甚至睇咗好多有關慰安婦嘅歷史。」詩雅仲話拍攝前為咗投入角色,已經長時間處於壓抑狀態,又睇咗啲令人覺得好辛苦同唔開心嘅歷史,搞到要同男友暫時分居:「拍之前我同男友一齊住,之後趕走咗佢,因為嗰時冇辦法接受有人喺我身邊,尤其係男士,所以分開咗住。」電影喺大馬檳城拍外景,因為嗰度嘅環境都似以前嘅香港,加上戲服好逼真,詩雅自己一個女仔去到外地拍戲,感覺特別強烈,佢話:「除咗酒店之外,街同片場都好似舊香港,現場有好多日軍造型嘅臨時演員,喺一半驚兼唔舒服嘅感覺之下拍攝。我其中一個角色有好多被侵犯嘅戲,對手係林家棟,仲有一啲唔識嘅演員,搞到我有啲後遺症,驚咗家棟。」詩雅又話家棟做得太逼真:「佢係一個好演員,甚至乎佢畀嘅力會令你痛,令我有足夠力量去演戲,所以佢拋我落床,捉我頭髮打嘅力,都令到我好痛,身邊啲女工作人員都睇到眼濕濕,覺得我好陰功。初時我都唔知自己嘅傷咁嚴重,直至返到酒店沖涼,一剝衫,嘩!周身瘀,腳又腫,塊面真係有好多瘀傷。拍完心靈上嘅痛之外,仲有好多好痛嘅感覺。導演仲話要做特技執走塊面嘅瘀傷,因為第二個角色係冇瘀傷。」除咗俾家棟侵犯之外,仲有個爛面妝都令詩雅好深刻,佢話長期化爛面妝,好彩特技化妝師係一個好團隊,用15至20分鐘就搞掂,之後再用20分鐘換另一個妝繼續演另一個角色:「呢個經歷係好好㗎!因為有20分鐘畀我換另一個狀態去演。第一次發覺到化妝嘅威力,其中一個俾人凌辱完嘅妝,照鏡時自己都喊,覺得呢個女人好可憐。」

衛詩雅演出由邱禮濤執導嘅血腥極品《失眠》。 衛詩雅今次仲要演雙胞胎角色。
衛詩雅仲因為拍呢套戲搞到成身傷。
黃秋生 邱禮濤
林家棟喺戲中有一幕會強姦衛詩雅。

來源 source: http://s.nextmedia.com
鍾意就快D Share啦!