掃呢頁CODE去手機

2017年4月22日 星期六

【自爆絕跡影壇原因】拒簽悔改書‧失落電影圈 汪明荃:覺得自己冇錯 __,汪明荃,

69歲「阿姐」汪明荃一向不平則鳴,70年代社會仍然係大男人風氣,冇邊個女演員敢言,阿姐係第一個睇唔過眼就出聲,唔對稿、冇紀律,佢就一定會不留情面咁鬧, ...


69歲「阿姐」汪明荃一向不平則鳴,70年代社會仍然係大男人風氣,冇邊個女演員敢言,阿姐係第一個睇唔過眼就出聲,唔對稿、冇紀律,佢就一定會不留情面咁鬧,有唔少男主角、攝影師、編導或其他男演員都唔鍾意佢(新聞連結:http://bit.ly/2oeDcBt),前年汪阿姐出港鐵show,就「為民請命」寸爆馬時亨小恩小惠,叫港鐵減價(新聞連結:http://bit.ly/2oTtCTl)!汪阿姐縱橫娛圈半世紀,歌影視三棲發展,唱歌同拍電視劇均發展順利,唯獨電影作品唔多,只係拍過四套電影,如1969年《玫瑰芍藥海棠紅》、1970年《小姐不在家》、1978年《大搶特腸》同1979年《圓月彎刀》。電影作品一隻手數得晒!原來阿姐當年因拒簽悔改書,覺得自己冇錯,而痛失電影巿場……貴為阿姐級,確係無事不可對人言,汪阿姐周六(22號)接受商業《一圈圈》嘅星光背後,佢入行50年將於紅館舉行兩場個唱,汪阿姐親自講當年為何絕跡電影圈,與香港電影圈着重嘅台灣巿場有關。阿姐大爆拒簽悔改書:「因我是內地出世,10歲才來香港,這是政治問題,當年拍完爾冬陞的《圓月彎刀》後,甚麼宣傳我也沒份。當年台灣巿場對香港電影很重要,台灣方面竟然要我簽悔過書,但我無簽!因為我唔覺得自己有錯,結果以後有台灣市場的電影,我都未能參與。」當時冇電影拍,阿姐都唔覺得係挫折,阿姐80年代獲選為人大代表後,不能拍劇十年,「沒有想到如果不從政的話會怎樣,我憑自己良心做事,沒想到後果」。

汪阿姐早前接受商業《一圈圈》嘅星光背後訪問 入行50年,嚟緊將於紅館舉行兩場個唱 1979年《圓月彎刀》劇照
當年拍完《圓月彎刀》,因拒簽悔改書,失落電影圈

來源 source: http://s.nextmedia.com
鍾意就快D Share啦!