2017年4月1日 星期六

【向太又嚟撐】誇成龍有情有義 陳嵐驚爆:佢私底下為呢件事喊咗好多次 __,向太,陳嵐,成龍,

向太陳嵐今晚同老公向華強,及兒子向佐到金鐘港麗酒店出席拍賣會,本來影完想走,但都好合作應傳媒要求停低做訪問。問佢有冇關心過卓林?向太話:「唏,呢啲人家 ...


向太陳嵐今晚同老公向華強,及兒子向佐到金鐘港麗酒店出席拍賣會,本來影完想走,但都好合作應傳媒要求停低做訪問。問佢有冇關心過卓林?向太話:「唏,呢啲人家嘅家事,我哋點講呢?」你覺得成龍作為爹哋係咪應該要負責任?向太就表示:「唔可以話佢唔負責任,如果有人夾硬要生卓林出嚟,卓林先係最無辜無可憐,佢冇得選擇,係佢阿媽選擇嘅,成龍都係一個兩難嘅情況囉!」之前翁靜晶於記招上,指吳綺莉於2015年遇財困,俾卓林報警控家暴之外,又收電台大信封,還需應付卓林間國際學校每月萬七蚊學費,仲有其他生活費,已山窮水盡。當時翁代友人搵中間人向成龍求助,對方就表明「一毫子」都唔使旨意俾。問向太可知吳綺莉是否有財困?佢話:「唔知道佢哋有冇財困問題。」但成龍揚言一毫子都唔會俾,向太即反問;「點俾呢?將來卓林大個,21歲喇,我相信佢(成龍)會照顧佢,會畀錢卓林。但係唔會交畀吳綺莉。」問到有冇同卓林溝通過?向太就稱:「冇得溝通,因為我唔識佢。」未完,向太繼續力撐成龍,話:「成龍係個有情有義嘅人,佢表面上會咁做(即表面上對兩母女不聞不問),但係你又唔知道佢私底下為咗呢件事喊咗好多次。」嘩!向太再稱:「佢(成龍)始終有家庭,佢做做錯事,老婆又咁撐佢。」咁你有冇私下搵成龍安慰下咁?「我同佢見親都係一大班人,不過有時知佢同啲好朋友傾啲好深入嘅偈,大家都唔知點樣做。」

向太今晚出席拍賣會時,力撐成龍有情有義。 向太接受傳媒訪問。(攝影:陳俊強) 向太一家三口出席拍賣會。
吳綺莉日前舉行記者會,講到女兒卓林時忍不住喊咗出嚟。(資料圖片) (資料圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...