掃呢頁CODE去手機

2017年4月20日 星期四

何雁詩「避」欺凌剷惡意留言 __,何雁詩,

何雁詩將社交網Account交由好友管理,避免睇到惡意留言。
何雁詩「避」欺凌剷惡意留言藝人何雁詩被爆與鄭俊弘拍拖後,被指是第三者,更慘遭網絡欺凌,令患上抑鬱症的她情緒低落。昨日是何雁詩自二人公開拖手後首次出席活 ...


何雁詩「避」欺凌剷惡意留言

藝人何雁詩被爆與鄭俊弘拍拖後,被指是第三者,更慘遭網絡欺凌,令患上抑鬱症的她情緒低落。昨日是何雁詩自二人公開拖手後首次出席活動,她透露自己「忍唔住睇留言」,要由好友陳瀅代為刪走負面留言。她又澄清早前買大床純粹自用,但不排除將來同居!

藝人何雁詩與鄭欣宜昨日出席化妝品牌ANNA SUI彩妝專櫃全新形象開幕,早前以抑鬱症為由辭演台慶劇《誇世代》的何雁詩表示,另一劇集《天命》仍有場戲要在港拍攝,希望稍後能放假休息一下:「想多啲時間休息。(幾時開始抑鬱?)唔講,個病一直喺度。(因為被指第三者?)邊個被人話都會唔舒服,呢件事令我知道好多朋友好錫我,好似陳瀅依家幫我管理社交網Account,幫我Delete留言(指惡意攻擊)。(唔睇咪得!)忍唔住睇。(最難受嘅留言?)唔記得,好又有唔好又有,都有人好支持我。」

不排除同居

談到被拍得買床,被指向男友貼大床,她澄清現時與家人同住:「唔會唔開心,因為唔係真,我自己睇床啫!(唔考慮同居?)將來嘅事遲啲先算。」問到父母是否力撐她?她說:「冇特別Comment,佢哋關注我身體狀況多啲。(帶男友見父母?)之前參加優秀選見過,父母成日唔喺香港。」至於被拍得為男友放狗,她笑說:「哦!執狗屎嗰日!我屋企養咗4隻狗,嗰日得佢嗰隻未屙。(做足女友本分?)幫到就幫,無論男友定朋友,我自己又鍾意動物,覺得佢哋比人更單純。」

鄭俊弘早前到機場送機,正式賜何雁詩「女友」名分。
  • 鄭俊弘早前到機場送機,正式賜何雁詩「女友」名分。
欣宜有幸與前輩黃子華合作,直言心滿意足。
  • 欣宜有幸與前輩黃子華合作,直言心滿意足。

欣宜高手過招

至於憑電影《29+1》入圍法國尼斯國際影展「最佳女配角」的欣宜,謙虛表示以見識心態出席,其後亦會到康城影展見識。她又透露日前謝票時,有觀眾與她抱抱並喊住多謝她的演出。談到客串黃子華新片《棟篤特工》,她表示能與子華及吳君如兩大喜劇之王合作,感到非常榮幸:「由細到大都覺得佢哋好搞笑,唔只演技好,仲好聰明。(臨場爆肚?)會跟劇本,但每Take都好新鮮。(黃子華係票房毒藥?)係o架咩?我客串o架咋!(破解厄運?)冇諗呢啲,有得合作已經心滿意足。」

文:名人組


鍾意就快D Share啦!