網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年4月11日 星期二

【拒絕上《歌手》】 歌神張學友霸氣回應﹕嗰啲評判都唔知識唔識嘅 __,學友,張學友,

湖南衛視歌唱比賽節目《歌手2017》將於本周六舉行總決賽,香港歌手杜麗莎同側田都先後被淘汰,身為香港天后嘅林憶蓮就同林志炫、迪瑪希、獅子合唱團、李健、 ...


湖南衛視歌唱比賽節目《歌手2017》將於本周六舉行總決賽,香港歌手杜麗莎同側田都先後被淘汰,身為香港天后嘅林憶蓮就同林志炫、迪瑪希、獅子合唱團、李健、張碧晨、張傑、袁婭維爭獎!偏偏呢個時候,張學友霸氣拒絕參加《我是歌手》嘅短片被內地網媒廣傳,成為網民熱話。前年學友接受商台節目訪問,被主持謝茜嘉問到會唔會參加《我是歌手》?學友好坦白話:「我唔會,我唔想再比賽,我唔係反對嗰啲節目,只不過唔到自己嗰關,我已經比咗一世,真係唔係講笑,我哋比賽出身,到出唱片又攞你同邊個比,一路咁比都好攰,近呢十年我覺得幾自在,又要我去比?唔好啩,真係好攰,唔係好想囉!」學友話寧願自在啲唱歌,霸氣表示:「而且我唔需要去比啦,何必要比啫,我其實好佩服參加《我是歌手》嘅歌手,大佬,仲要去被嗰啲評判,嗰啲評判都唔知識唔識嘅,老實講,我係歌手嚟,我唱歌,我喺台上嘅感受,或者我用乜嘢嘅感覺表現出嚟,仲要被你去講,咁你究竟知唔知我做緊乜嘢呢?我真係講真㗎,我點解要做啲咁嘅嘢,我都好唔想囉,我覺得好辛苦,所以我好佩服佢哋。」《歌手》嘅所謂觀眾評判,一直被質疑造假,評判假、觀眾假、賽果假!學友都忍唔住爆seed:「先講嗰啲評判,佢點樣去judge你,評判都係人,同我哋一樣,要喺好短時間評判,佢仲好複雜,有時聽得耐想瞓覺㖭,咁如果你突然間嘈一嘈佢:『好嘢呀!』,佢可能咁樣揀你都未定!我咁講好似好唔專業,但都係人嚟啫大佬,都係有咁嘅可能,如果要比賽就要計算,呢樣我唔係好鍾意,唱歌太多計算唔好!」雖然學友拒參加《歌手》被內地網媒抄作,但網友都係大比數支持學友言論:「主要還是現在這節目太黑了」、「張學友,一個看破遊戲規則並且霸氣拒絕的人。」、「那些評判都不知道懂不懂的」、「歌手跟歌神的區別」、「敢於講話的天王!」、「五百個小聾人」。

歌神張學友話好佩服參加嘅歌手。(網絡截圖) 學友年前接受謝茜嘉訪問。 《歌手》觀眾與評判_ _世界級。
杜麗莎輸俾自己徒弟憶蓮。(網絡圖片)

來源 source: http://s.nextmedia.com
鍾意就快D Share啦!