掃呢頁CODE去手機

2017年4月17日 星期一

【陳冠希甩難?】分居一年 秦舒培前夫「領証」:羨慕嗎? __,秦舒培,陳冠希,

陳冠希(Edison)盛傳已榮升做老竇,佢嘅大陸超模女友秦舒培上月喺美國秘密生B(新聞連結:http://bit.ly/2nTAH7y),但兩人就玩神 ...


陳冠希(Edison)盛傳已榮升做老竇,佢嘅大陸超模女友秦舒培上月喺美國秘密生B(新聞連結:http://bit.ly/2nTAH7y),但兩人就玩神秘,一直未有回應。(相關連結﹕http://bit.ly/2nTgu1T)其實Edison同秦舒培呢段感情確實得來不易,去年5月被《蘋果》獨家影到拍拖斷正,喺街又攬又錫(新聞連結:http://bit.ly/1Pe1ZgW),但原來秦舒培喺2012年已嫁俾華誼時尚高層趙磊(新聞連結:http://bit.ly/2pHdgeg),呢段中港戀情曝光後,趙磊即喺微博話佢同秦舒培係未正式離婚,暗寸陳冠希食人妻。但轉過頭秦舒培喺微博反駁趙磊,強調已簽離婚協意書,隔日仲喺微博篤爆趙磊都有女友,仲俾佢發現新歡Lisa喺自己微博晒「戰利品」,但後來Lisa自己出嚟喺微博澄清,話純係借場地影相。四角關係好複雜,今日凌晨趙磊又喺instagram自爆有疑似新戀情,見佢同一位貌似「陳瀅」嘅索女頭貼頭合照,突然宣佈:「領証了,羨慕嗎?」但睇真啲,嗰本証書上面係寫住「美女証」同「帥哥証」,咁應該係惡搞啦,但呢位靚女係咪趙磊新歡,佢就冇詳細交待。而陳冠希同秦舒培間中亦有更新Ig,陳冠希繼續同朋友吃喝玩樂,而秦舒培日前就放咗張坐地想綁鞋帶,但都係唔見肚嘅相,留言﹕「Can't take off my shoes before I charge up.(未充電之前幾乎連鞋都除唔到)」

傳秦舒培低調生B,前夫趙磊似「示威」,同索女晒「帥哥、美女」証。(Instagram截圖) (Instagram截圖) 秦舒培傳上月為陳冠希誕B。(Instagram截圖)
秦舒培2012年嫁俾趙磊,但婚姻僅維持幾年 陳冠希同秦舒培 陳冠希繼續與友人吃喝玩樂,好開心。(Instagram截圖)

來源 source: http://s.nextmedia.com
鍾意就快D Share啦!