掃呢頁CODE去手機

2017年4月18日 星期二

【獨家】繼承逾億遺產唔敢亂使 鄧兆尊慳家拖「三奶」坐港鐵 __,港鐵,鄧兆尊,兆尊,

現年50歲、已故粵劇名伶新馬師曾(祥哥)長子鄧兆尊,與兆榮、翠玉(即鄧小艾)同碧玉多年來與阿媽祥嫂(洪金梅)曾為爭產鬧翻,但話晒都係親生骨肉,祥嫂早前 ...


現年50歲、已故粵劇名伶新馬師曾(祥哥)長子鄧兆尊,與兆榮、翠玉(即鄧小艾)同碧玉多年來與阿媽祥嫂(洪金梅)曾為爭產鬧翻,但話晒都係親生骨肉,祥嫂早前忽然拍片自爆話要立平安紙,揚言同仔女冇隔夜仇,講明:「鄧家子女可以得到我遺產。」(相關連結﹕http://bit.ly/2nU2PY9)而兆尊最近又被指有意放售祥哥遺產之一:西貢一幅四萬呎獨立屋地皮,以現時癲狂樓價,估計現值約4.8億港元。如以祥哥四名子女各佔四分之一,若成功出售,每人穩袋逾一億港元,難怪尊兆唔使點做都有條件風流,三名女友(大婆Carmen、二奶車厘子同三奶Clarie)共侍一夫,享盡齊人福。兆尊有豐厚身家,但為人都算好踏實,有錢唔會大花筒。日前讀者陳小姐就透過《蘋果》爆相爆片,表示於上周一(10號)見到兆尊同「新女」一齊坐港鐵,但望真啲,其實係「三奶」Clarie。陳小姐話:「嗰日下午4點幾,見到兆尊同個女人一齊坐港鐵,由金鐘去灣仔,只係搭咗一個站。女嘅不停㩒電話,兩個全程有講有笑,臨落車,兆尊仲有搭住個女嘅膊頭,但就冇乜人認得。」一直有傳Claire係最得兆尊歡心嘅一個,亦係三個裡面最進取嘅一個,成日喺fb晒合照,又叫兆尊陪佢出席屋企人嘅婚宴,搞到啲人以為佢係正印,所以有傳Carmen對Claire好不滿,同場見面都鮮有交流。不過,兆尊從來都冇正面回應最愛是誰,只係話:「我會盡力滿足佢哋,唔會偏愛任何一位情人,佢哋都甚少爭風呷醋。」真係高手!

兆尊身家隨時過億,但同女友出街都好夠貼地。(讀者提供圖片) (讀者提供圖片) 兆尊分配時間有道,呢日就輪到Clarie陪兆尊。(讀者提供圖片)
(讀者提供圖片)

來源 source: http://s.nextmedia.com
鍾意就快D Share啦!