掃呢頁CODE去手機

2017年4月16日 星期日

囡囡一百日大!林心如首晒仙氣大肚寫真 __,林心如,

索!41歲台灣女星林心如喺今年1月頭為老公誕下囡囡「小海豚」,唔經唔覺小海豚已經一百日大喇!心如就喺社交網站首次晒出懷孕時影嘅大肚寫真同大家開心Sha ...


索!

41歲台灣女星林心如喺今年1月頭為老公誕下囡囡「小海豚」,唔經唔覺小海豚已經一百日大喇!心如就喺社交網站首次晒出懷孕時影嘅大肚寫真同大家開心Share,佢留言:「有點懷念妳在這裡(裏)的感覺❤️❤️❤️紀念一下💯」

相中林心如走簡約路線,僅以全黑長裙造型示人,包得認真密實!雖然成輯寫真冇任何花巧嘅布置,但一樣冇得輸!見到化上淡妝嘅心如腹部如籃球般大,而佢仲係Keep住手腳纖幼、肥肚唔肥人,真係令人羨慕!唔少網友都讚佢好有氣質,仲封佢為「最索媽咪」𠻹!

另外,今日係索爆人妻舒淇嘅41歲生日,身為好姊妹嘅心如亦有喺微博貼相向佢送上祝福,仲留言:「俠女姐姐~~生日快樂哦 早日.......愛你呦️️️​​​​」咦?講一半又唔講一半嘅?早日……唔通係講緊生仔?舒淇同心如咁Friend,大家梗係明嘅!


來源 source: http://hk.on.cc
鍾意就快D Share啦!