掃呢頁CODE去手機

2017年4月5日 星期三

【想留獨家回應俾無綫】鄭俊弘現身認分手:何雁詩更加支持我 __,鄭俊弘,無綫,何雁詩,

採訪、攝影:楊浩賢、陳辰、畢紹基今晚7時許,一直潛水的鄭俊弘終於現身,返回位於旺角的錄音室,原來是接受無綫獨家訪問。至約個多小時後,鄭俊弘由老闆何哲圖 ...


今晚7時許,一直潛水的鄭俊弘終於現身,返回位於旺角的錄音室,原來是接受無綫獨家訪問。至約個多小時後,鄭俊弘由老闆何哲圖陪同下離開,大批傳媒一早已在等候。本不欲回應、稱一切留待無綫播出時就會知曉的鄭,最後亦做了簡短訪問,承認已與拍拖三年幾的富家女友分手。鄭俊弘講到同前女友關係,佢話:「我係都好低調處理呢段感情,以前。求婚係有嘅,但係之後佢都…唔想有呢段嘅感情。但唔緊要啦,了結咗就重整番自己,投入番工作,希望自己會開心啲。」問到佢係咪求咗婚但對方又唔想有呢段感情?何哲圖代解釋謂:「求咗婚,但對方冇接受結婚呢樣嘢。」至於鄭俊弘同何雁詩嘅關係,何哲圖又代答:「活動呢佢哋兩個就要一齊啪住一齊去做,所以呢就有一個錯覺呢,其實我哋同事之間成日都會有見面,兩個禮拜前拍完個MV,咁啱呢段時間亦到推緊嗰隻合唱歌,所以何雁詩唔係喺呢件事入面嘅,佢哋只係朋友嘅關係。」記者問到同未婚妻Beebs分手一事,關唔關第三者事?鄭俊弘就話「絕對唔關事。(至於幾時分手?)唔想再講,佢有佢自己嘅處理方法,佢自己揸主意。」之後何哲圖又補充話:「感情好難講高高低低,有時感情好與壞,有時第三者好難知道佢哋嘅相處,佢哋係啱啱完結一段感情。對方點解要作出呢啲動作,我哋唔知道佢哋曾經相處過幾年,係男女朋友,亦都係認真嘅感情。」問到鄭俊弘有報道指佢承認鍾意何雁詩?鄭俊弘話:「過去呢啲嘢唔需要多講,所有要講嘅嘢頭先喺訪問講晒。」而二人有冇機會發展,何哲圖就話係將來嘅事。對於今次事件鄭俊弘話:「知道喇,我都係要反省自己……為自己做過嘅所有嘢。(有冇難過到落淚?)落淚就…自己收埋…(指方才接受無綫訪問時未有流淚)自己知啦。仍然係希望堅強,因為我有公司好支持我,我屋企人好支持我,經理人,所有人,我係感受到好多嘅愛,喺呢段期間。」記者再次問到鄭俊弘與女友是否不涉第三者致分手?鄭謂:「唔涉。(有指他專追求有錢女?)當然唔係。」記者追問到可擔心今次事件會影響到何雁詩嘅關係呢?鄭俊弘就話絕對唔會。對於何雁詩之前都話自己情緒出現問題,而辭演《誇世代》,問他可擔心事件加重女方病情?鄭俊弘坦言:「反而我覺得經過呢件事,佢係好支持我,同好鼓勵我。」身旁嘅何哲圖亦補充,話何雁詩目前嘅情緒OK,冇乜大問題。至於是否正向何雁詩展開追求,鄭俊弘一聽到就即話:「呢啲嘢唔講,做好自己先。」事件曝光後,有網民就鬧爆佢係世紀賤男,問佢可擔心影響形象,鄭俊弘就話:「呢啲暫時唔理得太多,最緊要要注意情緒健康,自己嘅健康」鄭俊弘仲話自己已經冇再同前女友溝通,冇再聯絡,一切已經了結。記者問到鄭俊弘有咩打算,佢就話:「o依家要往前看(大概分咗手幾耐到呀?)Er……都一段時間架喇,(咁會唔會係2月之前定2月之後?因為話成件事係2月發生嘅)過咗去嘅嘢我唔想再提。」而報道指鄭俊弘有UBER單幫何雁詩call車返屋企,又話通話紀錄全部都係Stephanie Ho?何哲圖就代答:「唔係,我諗佢哋成日出去做嘢,我哋都同佢哋日日通電話,講好多電話咁啦,我諗嗰樣嘢都唔係咩特嘅別嘢,因為呢段時間佢哋真係努力咁宣傳緊佢哋自己嗰隻合唱歌,我同佢哋兩個通電話都一日五次咁個問題係話嗰啲的士返屋企嘅,咁唔出奇嘅,有時佢哋出去做嘢,有啲搭的士返屋企唔出奇o架喎!係咪先?」問到怕唔怕再有相片或錄音流出?鄭俊弘微笑並縮一縮膊頭話:「都冇o架喇,都預咗o架喇,往前看,做好自己,投入番工作。(有冇啲情慾短訊或相?)呢啲一定冇,(因為連你哋啲WhatsApp都流咗出去喇已經)係,明白明白!(深層啲情慾嘢就冇?)冇。」講到鄭俊弘未有回答同何雁詩有冇機會發展,係咪有啲暗示?鄭俊弘話想做番好自己先,而何哲圖即時又代答:「佢都係想evaluate自己,佢之前都幾年關係,唔認真都唔會幾年,唔認真都唔會買戒指,佢evaluate自己將來感情點處理最好呢?」有指當年同姜麗文分手,係咪因為前女友Beebs介入?鄭俊弘就話:「唔係!(有冇試過一腳踏?)冇。(分手係咪因為同何雁詩玩得好埋?)唔係。」而今次事件會唔會影響工作,何哲圖就代答:「唔影響工作,會繼續做嘢。」


來源 source: http://s.nextmedia.com
鍾意就快D Share啦!