2017年4月20日 星期四

懶理毒咒!Bob三朵金花旺爆唔憂嫁 __,Bob,林盛斌,

大把樓喺手,使乜驚毒咒!唔少人食飽飯冇嘢做就愛「無病呻吟」,Nuts哥認為個人喜好冇得阻人,但將快樂建築喺別人痛苦身上就唔係咁講!好似林盛斌(Bob) ...


大把樓喺手,使乜驚毒咒!

唔少人食飽飯冇嘢做就愛「無病呻吟」,Nuts哥認為個人喜好冇得阻人,但將快樂建築喺別人痛苦身上就唔係咁講!好似林盛斌(Bob)一家五口幸福家庭,無啦啦躺着也中槍,阿Bob視為掌上明珠的三個寶貝女霏兒Faye、熹兒Haye、機兒Kaye,被網民用「毒舌」攻擊,只係三個字「低低哋」就足以構成對兒童嘅心靈傷害。係咪真係「憎人富貴厭人貧」,阿Bob可以話係近年成功靠把口撈到半億身家嘅藝人,出名「襟撈」嘅佢人緣極好,由內至外(身形)都名副其實面面俱圓,愛錫老婆及三個寶貝女,完全係絕種好老公兼好老竇嘅典範,唔通衰在「太幸福」就要被欺凌?

大把雄風 追仔No Problem

Nuts哥相信連阿Bob𢱑爆頭都諗唔明嗰位網友嘅動機,只可以話係網絡資訊發達,人人一機在手當王道,其實就係橫蠻霸道,在網上世界亂噏歹毒惡言自High發洩毋須負責。阿Bob都好有品,與其同個網民一般見識「開拖」有失身份,就嚟個借力打力,用網民威力起底「緝兇」令佢乖乘收口,果然高招過人。學Bob話齋:你可以侮辱我、攻擊我,但搞我「啲女」勢係假阿Bob家中「4條Queen」視如命根,林太持家有道兼且旺夫有功,阿Bob娶咗呢個好老婆可以話係「風生水起」,竟然被罵只識生女,唔識生仔,冇仔送終?嘩……呢鑊欲加之罪,Nuts哥聽到都把幾火!阿Bob今年先37歲,正係男人最精壯人強、有氣有力之年,男人去到七十古來稀仍然可以做老竇,要追仔真係大把時間

口咬「金門匙」 個個爭娶

況且呢個年代仲邊有話生女係蝕本貨㗎!分分鐘賺凸都有之,而且有女嘅爸爸都深深體會到,阿女就如前世情人,令你冧滋滋!最厲害係阿Bob呢三個女好似運財童女嚟報恩咁,生一個就旺你一次,阿Bob旺到拍劇、拍電影、開娛樂公司做老闆,直情好似中頭獎咁款,由當初旺角600呎單位,住到上加多利山幾千呎豪宅,仲有10個物業揸手,保守估計身家過半億,可以話係生個金礦一樣,所以對阿Bob嚟講,一世活喺「女兒國」又何妨?阿Bob仲講到明手頭物業會留畀三個寶貝女做「嫁妝」,名副其實含住把「金門匙」出世,邊個話佢三個女「低低哋」?女大十八變,醜小鴨都變鳳凰,何況阿Bob三個女樣子可愛喎!愈大愈靚有幾奇!唔少圈中女神都係Ugly大個變Baby,阿Bob呢「3條Queen」分分鐘係未來港姐冠軍,到時大把男仔排隊爭住嗌佢一聲「外父」添!

翠如旺父 魚販變富豪

Nuts哥唔係亂噏盲撐㗎!我眼見就唔少「外父相」嘅老竇先係好命公,要數當然係女神黃翠如個老竇翠如BB家中有「五朵金花」,亦係「旺父」嘅最佳例證,當年翠如爸爸係魚販出身,後來轉戰建築,去年開嘅土木工程公司上市就平地一聲雷,股價暴升幾十級,事隔一年升幅74倍,市值二百幾億呀!啲錢可以話滾埋嚟!而BB男友蕭正楠都有得着,被喻被「億萬準女婿」,搞到Nuts哥都好恨生女打孖嚟,能夠父憑女貴!


來源 source: http://hk.on.cc
鍾意就快D Share啦!
Related Posts Plugin for WordPress, Blogger...