網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年4月23日 星期日

老婆去年小產後再有喜三女兒期待 Bob終於追到仔 __,Bob,林盛斌,

老婆去年小產後再有喜 三女兒期待Bob終於追到仔娛樂要聞現年37歲、育有三女的搞笑藝人林盛斌(Bob),原來去年跟太太Pearl曾經歷小產傷痛,惟Bo ...


老婆去年小產後再有喜 三女兒期待

Bob終於追到仔

娛樂要聞

現年37歲、育有三女的搞笑藝人林盛斌(Bob),原來去年跟太太Pearl曾經歷小產傷痛,惟Bob嫂走出陰霾,去年底再發現有喜,至今已有五個月身孕,終成功為Bob追仔,三女兒亦期待弟弟出世。第四度做爸爸的Bob替囝囝改花名「大兜仔」,笑指囝囝似足自己,他祈求囝囝在媽咪肚中健康快樂成長。



即將第四度做爹哋的Bob,昨在fb貼老婆Pearl的巨肚相,宣佈終如願追到仔。互聯網圖片

林盛斌與圈外老婆Pearl已育有三名囡囡霏兒、熹兒和機兒,Bob不介意被取笑天生外父相,他又自嘲是女人奴,妻女加兩名女傭,全屋陰盛陽衰。其實Bob一直恨追仔,去年跟老婆努力造人,有讀者日前撞見Bob傍實腹大便便的Bob嫂到伊利沙伯醫院做產檢,Bob被爆將第四度做爹哋,他昨午終在facebook承認喜訊,同時揭盅指Bob嫂正陀男嬰。

Bob昨忍不住在fb開心分享:「各位,我正式宣佈:『我又做爸爸呀!』霏霏、熹熹、機機,你哋有細佬嘞!」Bob打破宿命,雞年成功追仔,他昨日接受本報電話訪問時,仍難掩興奮:「忍咗好耐,𠵱家終於講得。」守秘密足足五個月,是否怕BB小器?Bob說:「舊年10月,老婆有咗兩星期,但11月小產咗,可能唔穩。12月老婆又有咗,我哋有共識等超過五個月,陀穩啲先同大家分享喜訊,上次冇咗係天意,今次又有係天畀我嘅禮物。」Bob嫂現時約有五個月身孕,預產期是今年9月。



本月初Bob與太太帶三個囡囡去迪士尼玩,享受親子樂。互聯網圖片



Bob今年農曆新年貼四代同堂相,他跟爸爸及弟弟如餅印一樣。資料圖片

改花名「大兜仔」

林家中將添老么,Bob先告知三女,可是快將9歲的長女霏兒反應奇大,Bob說:「霏霏話:『唔係嘛,又有?你哋唔識控制吓咩?』」他估計霏霏怕再添弟弟會分薄父母的愛,他即向霏霏解釋:「無論屋企幾多成員,爸媽都咁錫、咁愛你哋,愛係無限,霏霏聽咗就話期待細佬快啲出嚟。」

Bob表示去年底獲悉老婆再有喜,並沒介意BB性別:「即使又係女,四朵金花,四條Queen都好型,好勁。」不過醫生告知是囝囝時,Bob就說:「唔知囝囝將來同我似唔似樣,係咪圓碌碌?我睇咗超聲波,好大兜嘢,叫佢『大兜仔』,呢樣最似我。」問會怎樣獎勵Bob嫂?他說:「繼續老婆話事,始終佢有小產陰影,幸福唔係必然,𠵱家公佈咗,希望集氣,BB喺媽咪肚中健康快樂成長。」



Bob不時接騷做司儀賺奶粉錢。互聯網圖片



近年人氣急升的Bob,更進軍影壇放笑彈。劇照

教媾張繼聰囡囡

一家之主的Bob擔子將更重,他搞笑呼籲:「各位老闆,希望畀多啲騷我做吓,等我賺多啲奶粉錢。」Bob指家中空間仍然足夠,暫不打算再搬大屋。問可想「大兜仔」繼承衣鉢做接班人?他說:「講真我對囡囡冇咁大期望,只希望佢哋健康,但囝囝就想佢讀書叻,傑出啲,我都調校緊心態,總之囝囝要叻過阿爸。」「大兜仔」朝天王劉德華做目標?Bob答:「係就冇得頂。」Bob未教仔學行,卻先胎教囝囝媾女:「囝囝大過,可以媾張繼聰、唯唯(梁烈唯)個女。」

採訪:陳杰

緊貼「蘋果VR」熱潮,打開雙眼隨意門,讓「蘋果VR」陪您探索新世界: https://goo.gl/b5RQAB

「蘋果VR」App

App store下載: https://goo.gl/0kW2cK

Google Play下載: https://goo.gl/4K7EHw


鍾意就快D Share啦!