2017年4月17日 星期一

【貪靚惹的禍】Do姐頸部嚴重甩皮 陳淑蘭面僵硬險窒息 __,陳淑蘭,

藝人靠面口搵食,唔少女星為貪靚都曾經接受醫學美容,整得靚固然相得益彰,但唔少醫學美容都存有風險,有女藝人輕微嘅試過甩皮、嚴重嘅試過灼傷,有人甚至搞到面 ...


藝人靠面口搵食,唔少女星為貪靚都曾經接受醫學美容,整得靚固然相得益彰,但唔少醫學美容都存有風險,有女藝人輕微嘅試過甩皮、嚴重嘅試過灼傷,有人甚至搞到面部僵硬,結果貪靚不成仲要受皮肉之苦。鄭裕玲 頸甩皮

一向對儀容一絲一苟嘅Do姐鄭裕玲,07年出席活動時,被發現頸部大幅度甩皮兼紅咗一大片,由於甩皮情況甚為觸目,即成傳媒焦點。事後Do姐承認原來正接受為期一個禮拜嘅果酸換膚療程,當時Do姐話:「果酸換膚療程期間唔應該曬太陽同焗桑拿,我忍唔住去咗焗桑拿,我頸部皮膚又特別薄,所以咪搞到咁囉!」(新聞連結:http://bit.ly/2oMtEwP )鄺美雲 手灼傷

鄺美雲(Cally)喺2000年接受激光脫毛治療,當時美容院指「甩焦」後,皮膚就回復光滑,點知Cally手腳傷口一直未好,原來慘遭激光灼傷,玉臂同大腿被灼爛。為咗遮疤痕,多年嚟Cally都要着長袖衫褲遮掩,亦因此令接下嘅廣告大受影響。事後Cally一度入稟索償千萬。(新聞連結:http://bit.ly/2plsysH )陳淑蘭 面僵硬

陳淑蘭(蘭子)14年接受周刊訪問,自爆早年頸部注射肉毒桿菌毒素美容,點知注射完身體不適需要停工,蘭子話打針後,笑肌位變得僵硬,更可怕係出現口齒不清、吞唔到嘢同呼吸困難等副作用,就連膀胱功能亦受影響,好難忍尿,試過有次透唔到氣,令佢一度有瀕死嘅感覺。(新聞連結:http://bit.ly/2plvG7R )

(資料圖片) Do姐早年試過果酸換皮,不過卻出現甩皮情況。(資料圖片) 頸部位置甩皮嚴重。(資料圖片)
鄺美雲之前因激光脫毛,導致手臂同大腿灼傷。(資料圖片) 一段時間要着長衫遮掩疤痕。(資料圖片) 蘭子試過注射肉毒桿菌毒素美容,導致面部僵硬。(資料圖片)
更試過有窒息感覺。(資料圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...