掃呢頁CODE去手機

2017年4月18日 星期二

鄧紫棋(G.E.M.):拖JW舊愛遊東京 G.E.M.默認有新戀情 __,G.E.M.,G.E.M,JW,鄧紫棋,

G.E.M.認佢係同JW前度拖手遊東京。歌手鄧紫棋(G.E.M.)與舊愛林宥嘉於2014年分手後,異性緣唔錯嘅佢多次傳出緋聞,但都係只聞樓梯響,G.E ...


G.E.M.認佢係同JW前度拖手遊東京。

歌手鄧紫棋(G.E.M.)與舊愛林宥嘉於2014年分手後,異性緣唔錯嘅佢多次傳出緋聞,但都係只聞樓梯響,G.E.M.統統否認兼堅稱單身,不過G.E.M.疑似有新戀情近日,有網友聲稱拍得疑似G.E.M.同一名男士現身日本東京,有傳兩人表現親暱,仲手拖手過馬路。咁啱G.E.M.今日喺微博上載近照,其中一張佢着上迷彩外套,對比網友喺日本「捕獲」佢嘅相,相中人亦同樣身穿同一件迷彩外套,有網友仲留言指相中人嘅身形同G.E.M.亦十分相似。

此外,消息傳出後,網友迅速起底相中男士,有指佢係王灝兒(JW)前度Mark Ngai、今年初佢亦同連詩雅傳出緋聞。

據知G.E.M.嘅新歡正係佢嘅新造型師,正喺日本旅行嘅G.E.M.回覆拍拖傳聞,佢默認話:「我都知我自己腿粗,但呢張相影到我比現實粗好多倍呀,上年我已經決定咗直至結婚之前,都唔會講感情狀況,因為太大壓力啦。外界會有好多唔同嘅聲音,我又要用精力去處理外界畀我嘅壓力,不如留返啲精力放喺我愛嗰個人身上仲好啦,可能等到我結婚先會話畀大家知啦。」


來源 source: http://hk.on.cc
鍾意就快D Share啦!