掃呢頁CODE去手機

2017年4月3日 星期一

【向兒童節目開刀】轉行做幼園教師 Jackeline姐姐逃離無綫:條路唔識行 __,無綫,

無綫兒童節目,轉眼間已橫跨30幾年,只要你講吓你細個係睇《430穿梭機》、《閃電傳真機》、《至NET小人類》抑或《放學ICU》,幾乎可以估到你係咩年紀 ...


無綫兒童節目,轉眼間已橫跨30幾年,只要你講吓你細個係睇《430穿梭機》、《閃電傳真機》、《至NET小人類》抑或《放學ICU》,幾乎可以估到你係咩年紀。可惜,近年無綫改朝換代,不時向兒童節目主持開刀,唔少陪伴小朋友成長嘅老臣子,為生計都要被迫轉行,笑容可掬嘅張潔蓮(Jackeline姐姐),就係其中一個。兜轉做回老本行今年踏入4字頭嘅Jackeline姐姐,橫跨咗《閃電》同《至Net》兩個朝代。Jackeline姐姐喺18歲參選港姐入行前,做幼稚園助教,喺大台做足10年,頭8年都係留喺兒童節目。到05年離開,兜兜轉轉,o依家又重回幼稚園老師行列。樣貌身形如昔嘅Jacekline姐姐就話:「有時見到啲家長帶小朋友返學,啲媽咪好順口叫我做Jacekline姐姐,原來佢哋都係睇我節目大。」離開無綫前,Jackeline曾被指派過拍劇,但最終因為唔適應拍劇節奏,加上角色大多行行企企少發揮。Jackeline話:「其實有好多同事一聽到可以調出兒童組拍劇,會開心到癲,但我唔係,一聽到冇得做兒童節目,我喊咗好幾次,我唔想走,成世做兒童節目都願,因為對住小朋友,佢哋諗法單純直接,你身處其中會培養到一份童心。出到去係另一個世界,當時好徬惶,條路唔知點行。」1個月20騷變1年1騷難以適應拍劇生涯,加上續約時,無綫冷淡態度都加促Jackeline外闖決心。Jackeline表示:「以前做兒童節目,一個月已經有20個騷,賺完底薪再賺騷錢,時間同收入都穩定。」可惜,無綫為慳錢改制後,Jackeline變成1年先得1個騷,變相大幅減人工,唔想坐以待斃嘅Jackeline,惟有離開娘家。除咗做幼稚園,Jackeline亦有開班教兒童烹飪班,對於時下父母對小朋友嘅教育,Jackeline自有一番睇法:「我通常教半歲至兩歲班,雖然佢哋好細個,不過父母就會着重知識學術嘅技巧,其實小朋友嘅情緒同行為都好重要,所以要兩者取得平衡。」Hair by:DEEP YU@Beijing Hair Culture

場地提供:煤氣烹飪中心

(攝影:沈健程、陳俊強) Jackeline(左)曾經做過《閃電傳真機》、《至NET小人類》,唔少媽咪級細細個已經睇佢做節目大。(資料圖片) Jackeline(左)寧願做兒童節目,都唔想拍劇。(資料圖片)
喺大台10年,臨走俾無綫大幅減騷變成1年人個,最終Jackeline 喺05年選擇離開。(資料圖片) 所拍劇集亦少發揮機會。(《三面形醫》劇照) Jackeline現時除咗教幼稚園,仲有教小朋友烹飪。
Jackeline做咗8年兒童節目,對小朋友絕對駕輕就熟。

來源 source: http://s.nextmedia.com
鍾意就快D Share啦!