2017年4月18日 星期二

【接新娘喇!】城城捉實老婆手臂 姊妹起哄嗌「Kiss!」 __,城城,郭富城,

郭富城今日結婚喇,但就貫徹低作風,只係正式發咗一張同太太方媛嘅合照,一直有傳方媛已經懷有「城種」,所以張婚紗相都係方媛側側地身貼向城城,擺明要用角度遮 ...


郭富城今日結婚喇,但就貫徹低作風,只係正式發咗一張同太太方媛嘅合照,一直有傳方媛已經懷有「城種」,所以張婚紗相都係方媛側側地身貼向城城,擺明要用角度遮咗個肚。據聞城城今次只係擺十圍酒,賓客主要都係男女家嘅親戚,朋友都要經過精挑細選,方媛嚟香港發展時認識嘅姊妹陳靜(DaDa)同Celia K.全部都冇請。不過,咁多方媛嘅大陸親友,少不免都會有私照流出。除咗有方媛同親友嘅正面合照,方媛雖然着住一條鬆身婚紗裙,但都見到腹部微微隆起。之後又有城城今早接新娘嘅相,方媛着住裙掛,而城城就繼續係西裝骨骨。另一條秒拍片,見方媛拎住花球,城城就輕輕捉住老婆手臂,聽見姊妹不停拍手兼起哄大嗌﹕「Kiss Kiss Kiss.」城城一臉尷尬,用國語話﹕「這個要拍嗎?!」之後就有把女人聲打圓場話﹕「留在晚上。」


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...