掃呢頁CODE去手機

2017年4月29日 星期六

【獨家】Liddy失蹤一年轉做幕後 新歡係已婚澳門富商? __,Liddy,李悅彤,

2014年李悅彤(Liddy)捲入李心潔同老公彭順婚姻,事後彭順同Liddy高速斬纜,而彭順就得到咗李心潔嘅原諒,仲喺舊年7月幫彭順生咗對孖仔。之後L ...


2014年李悅彤(Liddy)捲入李心潔同老公彭順婚姻,事後彭順同Liddy高速斬纜,而彭順就得到咗李心潔嘅原諒,仲喺舊年7月幫彭順生咗對孖仔。之後Liddy都有出過活動,又有拍過節目,都好勇敢面對,但係喺過去嘅一年,幕前基本上冇見過Liddy嘅蹤影,完全失咗蹤,最近就有Liddy嘅消息出現喇,嚟緊下個月20號葉麗儀喺澳門有個「夜上海晚宴」,而幫呢個騷做幕後策劃推廣工作嘅公司,Liddy就喺入面做,仲有一個重點,就係呢間公司係佢嘅緋聞男友、已婚嘅澳門富商鮑偉業Ivan嗰間澳門名策劃公關市場推廣有限公司。上個月喺上海舉行嘅「贏在澳洲」暨尚澳會成立發佈會,Liddy都同Ivan一齊出席,仲身貼身影合照,睇嚟關係相當密切o添。日前《蘋果》就搵到Liddy,問佢係唔係投身做幕後、喺邊間公司做嘅時候,佢就以短訊回覆:「幕前幕後都可以做,有啱嘅劇本都會拍。而家同緊國內資方一齊合作partner,任何有關entertainment嘅都會做。」不過就冇講係邊間公司。講到下個月葉麗儀喺澳門個演唱會,佢公司都有份搞,問到佢會負責啲咩,佢就話:「演唱會都係entertainment嘅一部份,我咩都要做,打雜嚟架咋,邊做邊學啦。」最重點就緊要要問一問Ivan係咪佢男友啦,Liddy就即時避談:「我開會先,遲啲再傾。」

影相影到身貼身喎
呢個騷Liddy都有份搞 Liddy有一段期間都好活躍

來源 source: http://s.nextmedia.com
鍾意就快D Share啦!