掃呢頁CODE去手機

2017年4月22日 星期六

陳瀅女僕Look喪毆茶煲住客張振朗 __,陳瀅,女僕,張振朗,

張振朗抵打!無綫劇《全職沒女》依家就播到如火如荼,觀眾唔單只力撐陳松伶同張兆輝爐火純青嘅演技,簡直係拍爛手掌,而另一亮點就係「宅男女神」嘅陳瀅(Jea ...


張振朗抵打!

無綫劇《全職沒女》依家就播到如火如荼,觀眾唔單只力撐陳松伶同張兆輝爐火純青嘅演技,簡直係拍爛手掌,而另一亮點就係「宅男女神」嘅陳瀅(Jeannie)同張振朗(Owen)呢對歡喜冤家,同樣引起觀眾注意,皆因好多網友都話Jeannie今次嘅表現同以往嘅角色好唔同,既性感又出位,真係俘虜晒宅男嘅心!

天神賜的禮物

而無綫See See TVB Facebook專頁就上載咗一段由Jeannie扮演酒店房務員同大家分享喺酒店裏面遇到唔同類型嘅客人,仲同大家分享要點樣忍氣吞聲。片中Jeannie着住女僕裝示人,仲晒出事業線,一邊介紹自己、一邊鋪床,網友都話睇到嘩嘩聲!仲話Jeannie呢個look真係冇得頂,有Jeannie做房務員簡直係天神賜嘅禮物呀,認真誇張!

Jeannie就同大家分享會遇到唔同類型嘅客人,亦由Owen扮演,第一類係「地獄廚神」,Owen就叫Jeannie拎多兩個電熱水煲,之後發現原來Owen用嚟煮咖喱,已經用咗四、五個,仲要個個入面都整到超污糟,Owen就食得好滋味,伸晒脷,難怪Jeannie真係忟上加忟,不過網友就讚好有創意,仲話可能一試喎,非常搞笑。

鬧人鬧得特別可愛

第二類係「染髮王」,Owen就喺房染髮,其實都唔係啲咩事,不過佢就染到七彩顏色搞到啲毛巾染晒色,個洗手間滿布染料、紙巾,仲亂過salon,執都有排執呀!本身Jeannie都好聲好氣,但最後佢都忍唔住發火,大罵Owen,網友大讚好搞笑,仲話Jeannie罵人都罵得特別可愛,唉!呢啲咪係女神同普通人嘅分別囉!

另一類係「神偷」,Owen嘅小偷look,網友都高呼超可愛,佢仲要拎住一大個袋係咁偷啲日用品,連廁紙都偷咗好多卷,最後當然畀Jeannie發現啦,好多網友都大讚呢幕超好笑,仲提議Owen可以行搞笑路線,work喎!

隔住mon都feel到痛

最後係「夢遊人」,當Jeannie做咗成日嘢,諗住休息自拍吓,突然Owen全裸出現,Owen仲要發緊夢係咁攬住Jeannie,當唔少網友都大呼非常葡萄嘅時候,Jeannie突然變樣,打女上身,捉住Owen又罵又打,之後仲有一幕Jeannie不停踢Owen,亦踢得不知幾用力,睇到網友都話隔住mon都feel到痛,Owen真係慘豬豬喇!不過網友又話估唔到女神都有呢一面,網友都大讚好正,仲話Jeannie咩look都係佢哋心目中嘅女神呀!

Edxcxx Pxx :睇到流鼻血…Jeannie 好正呀!

TXXXX DFXXP:Jeannie真係俘虜晒我哋嘅心,真係暈喇!

JXX CXXX:敢問邊間酒店有咁索嘅房務員啊?Jeannie呢個look真係冇得頂。

RGXMXXX :Jeannie罵人都罵得特別可愛,Owen都可愛。

KXX MXX :Owen可以行搞笑路線,work喎!


來源 source: http://hk.on.cc
鍾意就快D Share啦!