掃呢頁CODE去手機

2017年4月19日 星期三

【不斷更新】郭富城簽紙禮成 Moka感動落淚 __,Moka,方媛,郭富城,

【新增內容】至19號凌晨2時07分左右,大量行李、禮物等,一袋二袋,由半島酒店後門開始陸繽搬上兩架一黑一白七人車,現場仍有大約二三十名記者一直留守,苦 ...


【新增內容】至19號凌晨2時07分左右,大量行李、禮物等,一袋二袋,由半島酒店後門開始陸繽搬上兩架一黑一白七人車,現場仍有大約二三十名記者一直留守,苦候城城同城嫂現身。出車時,保安即上前攔住記者,更揚言如果傳媒不讓開就不開閘,氣氛一度緊張,擾攘一輪終於開閘離開半島。由於車窗都拉上簾,未知城城同城嫂坐邊架車。至凌晨2時25分左右,其中一架掛上中港車牌的黑色七人車先返抵城城位於大坑之寓所。51歲郭富城上月被《蘋果》爆佢同29歲女友方媛(Moka)喺香港秘密入紙,拍拖唔夠2年,Moka已經成功入「城」,Moka噚日凌晨喺Instagram晒紅色「新娘鞋」洩密(新聞連結:http://bit.ly/2oH5uDr)。城城噚日喺半島酒店舉行婚宴,一直有傳Moka懷有「城種」,可以話雙喜臨門!剛才有網民於微博貼出城城接新娘嘅相,留言:「不管怎麼樣,還是祝福的。早生貴子,百年好合!Best Wishes!」見方媛手執花球,二人對望眼神流露出濃濃嘅愛意!城城晚上發俾傳媒嘅婚紗照中,城城輕摟Moka入懷,結婚相由著名攝影師夏永康操刀,主題為係「Let's Dance」(新聞連結:http://bit.ly/2nYCPed)。婚宴司儀鄭文於凌晨1點03分離開,佢接受訪問時提到最感動嗰一part就係一對新人進場簽紙,又話:「一對新人送花畀雙方父母時好感動,方媛都眼濕濕。」問到一對新人講誓詞有冇緊張到食螺絲?鄭文話:「Aaron講得好流暢嘅,方媛有啲怕醜。」問到Moka性唔性感,鄭文話:「佢換咗3套衫,婚紗、紅色同金色晚裝,唔性感嘅。(係咪全鬆身?)唔係喎,全部都好修身,因為佢條腰都好弗。(今晚有冇玩遊戲同唱歌?)冇呀,其實都好簡單同溫馨嘅。(咁城城有冇飲好多酒?)冇呀,佢都好精神,其實今晚都係食吓飯,一對新人進場簽紙。」有份做兄弟嘅Chi Lam喺約凌晨12點35分左右,同老婆靚靚離開,佢哋都有停低俾記者影相,靚靚透露:「入面好開心,好感動。」問到城城有冇感動到喊?佢就話:「有部份人。」講嘢都比較玄。靚靚亦有提到一對新人有錫錫。至於送咩禮物,靚靚就只係話「心意」。其後邱淑貞、沈嘉偉、沈月三人離開婚宴,期間有保安阻擋記者,場面一度混亂。兄弟團之一嘅Sunny Wong向傳媒表示:「開心開心好感動。」被問到一對新人錫咗錫咗幾多啖?佢就好玄咁話:一陣你就知。」酒店門外有十幾名fans一直守候,到午夜12點,賓客開始離席散去,當中包括為城城同Moka操刀影婚紗相嘅夏永康,丁子高近12點半離開時講咗句「開心、開心」後,就急急腳上車走。到咗噚晚10點,城城再發一張Moka着住裙褂嘅相,Moka個肚明顯微凸,懷有「城種」傳聞更加確實。網上有傳Moka嘅爸爸,喺婚禮現場好激動咁同城城講:「我從小就聽你的歌長大的,現在我把女兒交給你,希望你好好對待她。」一對新人將於噚晚上8點幾進場即切蛋糕,場內播放今朝接新娘同飲新抱茶嘅影片,新娘Moka晚上只準備兩套西式晚裝,分別係一條白金婚紗同一條紅紗晚裝,晚裝以傘裙設計遮一遮肚。到咗9點32分,一對新人簽紙禮成開席,城城就感動到差少少就喊,而新娘子Moka就喊咗出嚟,9點34分,城城就出嚟致辭。傍晚噚7點12分左右,經理人小美代城城出嚟見記者,多謝大家嘅祝福,城城覺得好開心,做足接新娘及斟茶儀式,由於要喺吉時內完成,所以冇特別玩新郎,只係答咗幾條問題就順利抱得美人歸,此外,小美再次避談係唔係雙喜臨門,話自己冇問,城城一直想低調處理婚事,不過因為城城喺50歲生日P於半島搞,當時講過如果搵到合適對象,就會喺嗰度搞婚宴,如果唔係城城應該會再低調啲(新聞連結:http://bit.ly/2oIj5ZG)!城城搵咗好友沈嘉偉同Chilam等做兄弟(新聞連結:http://bit.ly/2pMGJTR)。《蘋果》記者下午1點幾,見宴會廳仍在佈置中,場內有千朵粉紅色玫瑰花,由於城城喺訂酒席時,講明婚宴要保密(新聞連結:http://bit.ly/2ojudLk),所以現場守衛深嚴,場地有好多保安把守。噚日傍晚6點左右,城城向傳媒發相,相中見新郎哥城城身穿西裝、打煲呔,率領一班兄弟去接新娘,不過暫時未發新娘Moka嘅相,未知係唔係Moka已經見肚!?據知婚宴筵開約十席,場內有成千朵粉紅色玫瑰花作佈置,兩張主家席放上棗紅色枱布同餐巾,每隻碟上有金色印有「囍」字嘅餐墊,側邊設約6張細枱(新聞連結:http://bit.ly/2pu8fcs)。城城老友兼排舞師Sunny Wong身穿恤衫、黑色西褲,今午現身半島,而婚禮用品亦陸續運送入內。噚日下午2點22分左右,沈嘉偉同Chilam乘車抵半島由後門入去,車廂拉晒窗簾。未知係唔係今早做完兄弟,二人出去醫肚呢?到約3點09分,由於今日氣溫熱,在場大批傳媒守候,一對新人安排半島員工派水俾在場記者。城城日前飛到北京出席星皓電影嘅新片《西遊記之女兒國》宣傳活動,雖然同Moka分隔兩地,但原來二人一直秘密為婚宴做足準備。

網上流出城城接新娘嘅相。 回禮係一個玫瑰金嘅盒仔,盒內有一黑一白嘅朱古力,相當精巧 譚國政(左一)、沈嘉偉(左二)、Chilam(右三)、Sunny(右二) 、演唱會監製Jack(右一)
恭喜!城城今日升呢做人夫 今日下晝1點半,已有唔少傳媒聞風到達半島酒店等候。 (細圖攝影:陳俊強) 酒店職員下晝兩點喺門外設置記者區。
Moka今日凌晨都有喺Ig上載出嫁嘅婚嫁鞋。 (Moka Ig圖片) (Moka Ig圖片) 早前Moka唔舒服,城城陪女友到養和醫院求診。 (資料圖片)
Moka個肚明顯微凸 二人結婚相由攝影師夏永康操刀 而Moka又真係用傘裙嚟遮肚
城城派酒店工作人員向傳媒派發水、百事、三文治同西式蛋糕 靚靚同Chilam停低俾記者影相。(攝影:梁繼光、陳俊強) 邱淑貞、沈月、沈嘉偉
Sunny Wong 鄭文
至凌晨2時,工作人員由後門陸續搬運行李同來賓禮物上車。 搬極都有 兩架七人車,一黑一白,其中黑色一架掛上中港車牌,並先返抵城城位於大坑之豪宅。
大批傳媒一直留守到凌晨。 保安阻傳媒上前拍照,更一度揚言不開閘出車。 擾攘一輪終於出車,唔使十五分鐘已過海返港島。

來源 source: http://s.nextmedia.com
鍾意就快D Share啦!