網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年4月2日 星期日

【幾時上myAV SUPER都知?】新收視偵測埋網上瀏覽 手機平板走唔甩 __,手機,手機平板,

【幾時上myAVSUPER都知?】新收視偵測埋網上瀏覽手機平板走唔甩即時娛樂2017-03-3017:32:31HKT由明年1月起,三間免費電視台都委 ...


【幾時上myAV SUPER都知?】新收視偵測埋網上瀏覽 手機平板走唔甩

即時娛樂
2017-03-30 17:32:31 HKT


由明年1月起,三間免費電視台都委任CSM作為收視調查機構。(蘋果日報)



(左起)香港電視觀眾收視調查創辦委員會主席黃國柱、無綫巿場及營業部總監曹紹濤、奇妙電視代表曾展章、CSM執行董事總經理徐立軍。(蘋果日報)



ViuTV收益事務主管丁永綱(中)(蘋果日報)



曾展章同曹紹濤祝酒後好快就離開。(蘋果日報)



至於曾展章離開時冇再回應有線告急。(蘋果日報)



林立昇(右二)解釋新收視計算方法,會將網上瀏覽納入統計範圍。(蘋果日報)

今日三間免費電視台TVB、奇妙電視同ViuTV派代表出席喺銅鑼灣怡東酒店舉行「2018-2023香港電視收視調查啟動禮」,宣佈委任CSM(中國廣視索福瑞媒介研究有限公司)及Kantar Media為未來六年之香港觀眾收視調查機構。

有線告急風波未平息,焦點之一嘅有線電視娛樂有限公司執行董事曾展章到場時對所有提問冇回應,只係話:「我冇嘢補充,主席講咗我唔講喇,今日講收視。」 結果佢上台祝酒後速速離開,面對記者追問,只係表示:「今日唔係我做主角,唔可以搶人鏡,今日係公佈CSM記者會。」反而香港電視觀眾收視調查創辦委員會主席黃國柱就話:「好難得咁三個台logo擺埋一齊,經過一段時間先傾得成。」

換咗調查機構,咁新收視有咩唔同呢?CSM香港區總經理林立昇受訪時釋:「會同國際接軌,稍後會作出一啲住戶招募,根據人口同地區先搵10000戶,再抽樣搵1000戶作個人收視紀錄儀。」佢仲話呢個個人收視紀錄儀,除咗偵測到電視之外,亦可以偵測到手機、平板電腦同上網瀏覽,甚至係7日內上網重溫節目,都會列入計算當中。至於新收視點,林立昇話同過往一樣,1點約6萬人次,只係由800戶變咗1,000戶。

至於有線告急,奇妙電視合作有冇影響?黃國柱話:「其實16個月前已經join咗呢個行動,佢哋表示完全支持同參與,簽咗合約,呢段時間會履行。佢哋最近發生嘅事,唔會影響我哋合作同進展。」


鍾意就快D Share啦!